________________
जयन्ती प्रकरणवृत्तिः । गाथा २ । ३
तं वच्छलपईवो सव्वासाण पयासदुल्ललिओ । तं लहसु दसं पुत्तय ! गुणेसु नेहं धरसि जीए ॥२६॥ दाऊण सिक्खमेवं ससमयमग्गेण सोमदेवदिओ । अग्घोदएण साहइ सन्नासे साहसावासं ॥२७॥ सो तेण दियवराणं दाणेणं मासियाइपव्वेहि । लोयव्ववहारेणं उज्जमिओ बंभचंदे ॥ २८ ॥ सो पण सयं सयंवरउविंत अवरावराहिं लच्छीहिं । सययं संपाविज्जइ सरहसपरिरंभसंरंभं ||२९|| पुरिसत्थसाहणेणं मयवारणभूसिएण कलिरायं । निहतो परिवाला नियगुत्तं सामिभावेण ||३०| किं बहुणा - वंसग्गे सज्जणसम्माणदाणसीलेहिं । आरोविया इमेणं कित्तिपडाया गुणग्घविया ॥३१॥ अह अन्नया निसीहे सहसा निद्दाभरं विमुत्तूण | लहुत चिंताए सो समुट्ठिओ बंभचंददिओ ||३२|| जा गच्छइ घरदुवारे महंधयारे खलंतपयचारे । ता भणिओ एगेणं पुरिसेण करुणवाणी ||३३|| सामिय कुह पसायं छुहापरद्धस्स दद्धचरियस्स मह । करुणापर नरवर ! वियरसु गासं सुहनिवासं ॥३४॥ देव दएक्कनिवासे सरणागयवच्छले छुहा इण्हि । त सायरम्मि दिट्ठे अमयरसो चेव मह होउ ||३५|| धम्मेकधरणकुसला कुणंति जीवाण कोडिसंपत्तिं । धन्ने पुण का गणणा ? तुम्हारिसाण दाणवीराणं ॥ ३६ ॥ उच्छलिउक्कलियाए सरस्सईए इमस्स सित्तम्मि | वच्छत्थलम्मि करुणावल्ली पल्लवसिरिं पत्ता ||३७|| तो भइ बंभचंदो कोसि तुमं ? किस भद्दइह पत्तो ? | कहमइमत्तं छुहिओ ? दुहिओ जं एवमाउलओ ||३८||
Jain Education International 2010_02
For Private & Personal Use Only
११५
5
10
15
20
25
www.jainelibrary.org
