________________
तद्यथा
10
जयन्तीप्रकरणवृत्तिः । गाथा २।३ करुणाए जं दाणं दिन्नं दीणे कुलाइहीणे वि ।
लोए वि तं भणिज्जइ सुगई वियरेइ पियराण ॥१३॥ ६६ रयणपुरं नाम पुरं आसि पुरा तत्थ माहणो एगो ।
छक्कम्मकरणरसिओ नामेणं सोमदेवो त्ति ॥१४॥ पुरिसुत्तमो पसिद्धो असेससयणप्पिओ वि अगओ वि । अच्चुयसीलसहावो असंखलच्छीहरो किंतु ॥१५॥ विणयगुणकोडिकलिया उत्तमवंसुब्भवा य तस्स पिया । परलोयसाहणुज्जयधम्मलया आसि सोमसिरी ॥१६॥ सयणकुमुयाण चंदो गुणमणिसंपत्तिरोहणगिरिंदो । नामेण बंभचंदो ताण सुओ जणमणाणंदो ॥१७।। अन्ने वि ताण तणया सच्चाहिट्ठियतणुत्तसिरिवइणो । अजणदणा वि भोगोवभोगसुहिसयणसोहग्गा ॥१८॥ अह अन्नया निसाए मज्झिमजामम्मि चिन्तए एसो । संपइ जरा वियंभइ गिहासमे मह वसंतस्स ॥१९।। तो अहुणा नियपुत्तं जेटुं ठावित्तु गिहिपए विहिणा । सन्नासपवित्तीए सग्गनिवासं समीहेमि ।।२०।। दियवरविइन्नदाणो जहारिहविहियसयणसम्माणो ।
आसातरं दियाणं अत्तपए ठावए पुत्तं ॥२१॥ वियरइ तओ य सिक्खं पुत्तय ! तं चयसु सइ कुसंसग्गं । जं तेण उज्जलाण वि गुणाण कलुसत्ताणं होइ ॥२२॥ पेच्छइ परमत्थपयं दोहि वि नयणेहि सो सहस्सक्खो ।
जो परदारपरम्मुहदिट्ठी नन्नो सुरिंदो वि ॥२३॥ अन्यच्च
"जाण परजुवइमणहरभमुहाधणुमुक्कलोयणसरेहिं । सीलकवयं न भिन्नं नमो नमो ताण पुरिसाण' ॥२४॥ [ ] सव्वत्थ पसंसिज्जइ उदारया माहणेहि सविसेसं । तो वच्छ ! वच्छलेणं हेयव्वं चेव किवणत्तं ।।२५।।
15
____ 15
20
25
Jain Education International 2010_02
For Private & Personal Use Only
www.jainelibrary.org
