________________
११३
जयन्तीप्रकरणवृत्तिः । गाथा २।३
एवं सुपत्तदाणं मोक्खपासायपढमसोवाणं । कल्लाणाण निहाणं दायव्वं तो सबहुमाणं ॥३३६।।
वीरभद्दकहाणय सम्मत्तं ॥
10
15
उचियत्तदाणविहिणा परपासंडीण गिहमुविन्ताणं । संजमिया दुव्वायावग्घी किल दाणदामेण ॥१॥ दट्ठममुचियदाणं केइ पसंसं कुणंति जिणधम्मे । तेण गुणारोवेणं परलोयं तेऽवि साहिन्ति ॥२॥ उचियत्तेणं दाणं गिहिणा गीयत्थसावयवरेण ।
काले गिहागयाणं दव्वलिंगीणमवि देयं ॥३॥ उक्तं च
"काले गिहागयाणं पडिसिद्ध भयवया वि नो दाणं । जं पुण तदत्थमसुमंतघायणं तं पुण न जुत्तं" ॥४॥[ ] सुमणोवियासवाडी गिहीण जा उचियदाणपरिवाडी । जं तत्थ कहवि हुज्जा निच्चफलो बोहिलाभो वि ॥५॥ दीणाण अणाहाणं छुहापरद्धाण रोररंकाण । अणुकंपाए दाणं दायव्वं सावयवरेण ॥६॥ रोराइयाण करुणा विइन्नगासेण तोसपोसेण । कुंदकलियासमुज्जलकित्ती वि हवेज्ज जिणधम्मे ॥७॥ तक्कित्तिकरणओ पुण, दंसणबुद्धी तओ य चरणेण । सिद्धिपुरम्मि समागमसुहसंपत्ती चिरं होई ॥८॥ चुज्जमणुकंपमाणो जिणमयवन्नेण बोहिबीजम्मि । सिरिवच्छरूवलाहे न होइ अस्सत्थपरिणामो ॥९॥ अणुकंपाए चाओ हवइ हु जीवाण कोडिसंघडिओ । निव्वट्टियपुरिसयारो परलोयपसाहओ लोए ॥१०॥ इह पढममुयारत्तं पन्नत्तं धम्मसिद्धिलिंगमिणं । जं पुण करुणाहारं तं सहलं होइ कि चुज्जं ? ॥११॥ भूसियामिहवलयाणं पउरदयाणं गहीरहिययाणं । जलहीण वि हवइ चिय निम्मलमुत्ताण संपत्ती ॥१२॥
20
25
Jain Education International 2010_02
For Private & Personal Use Only
www.jainelibrary.org
