________________
5
10
15
20
25
११२
Jain Education International 2010_02
जयन्तीप्रकरणवृत्तिः । गाथा २ । ३
एवं जिणिन्दभणिए हिट्ठो तुट्ठो य सायरो सिट्ठी । गुरुरिद्धिवित्थरेणं वहूवराई घरं नेइ ||३४३|| गुणरयणरासिकोसो सहस्सकिरणु व्व एस निद्दोसो । सोहग्गेण उविंदो कलालओ पुन्निमाचंदो || ३४४॥ इय चिंतिऊण राया नरचंदो देइ वीरभद्दस्स । कमलसिरिं नियतणयं संतुट्ठो परमरिद्धी || ३४५ ।। अह अन्नया जिणंदो पुट्ठो हिट्टेण तेण नरवइणा । कहमेवंविहपुन्नं समज्जियं वीरभद्देण ||३४६ || ता कहइ वीयराओ सदेवमणुयासुररायपरिसाए । इमिणा सुपत्तदाणा पुव्वभवे अज्जियं पुन्नं ॥ ३४७।। सिरिनिलये पुव्वभवे नयरे एसो खु आसि वत्थव्वो । उत्तमदिसो गिहित्थो पडुच्च सुगुणेहिं सकिन्न ||३४८॥ तस्सऽन्नदिणे एगो निबद्धतित्थयरनामसुहकम्मो । रायरसी संपत्तो घरंगणे मासपारण ॥ ३४९ ॥ तो तस्स माणसे सो सच्छसहावोदयम्मि रायरिसी । पसरंतपक्खवाओ करइ रई रायहंसु व्व ॥३५०॥ एयारिसा तवेणं विसेसदिप्पंतमुत्तिणो मुणिणो । दिणमणिणो इव निच्वं कुणंति दोसाण लहुयत्तं ॥ ३५१ ॥ अज्जं चिय सुविहाणं जायं अम्हाण पुन्नवंताण । जं एवं मुणिपुंगवपत्तं पत्तं घरगएण ||३५२|| मासवे पडिपुन्ने हवइ सुपत्तम्मि बहुफलं दाणं । वासासु सुबीयं पिव उत्तं उत्तं सुखेत्तम्मि || ३५३॥ इय मेहासारेणं कयंबकुसुमाणुगारपुलएण । एएण तस्स रिसिणो परमन्नं पारणे दिनं ॥ ३५४ ॥ पुन्नोदएण इमिणा नरवर ! गुणरयणरासिणा गुरुणा । मुत्ताण ठिई निच्चं लहियव्वा वीरभद्देण ||३५५॥
For Private & Personal Use Only
www.jainelibrary.org
