________________
5
10
15
20
25
११०
Jain Education International 2010_02
जयन्तीप्रकरणवृत्तिः । गाथा २ । ३
रयणवई विय चिंतइ वीरभद्दो गओ वि ललियगई । केणावि कारणेणं मंदो पच्चागमे जाओ ||३१७||
हा सोम ! पाणपिययम ! अजरामर ! विरहदाणरसिओऽसि । मह कह ? करुणसरेणं इय विलवइ सा तओ धणियं ॥ ३१८ || तो बाहिं समणीओ पियदंसणणंगसुंदरीओ य । आगंतूणं सहसा भांति विज्जाहरिं एवं ॥३१९॥ किं सोयकारणं तुह ? वच्छे ! अच्छरसमाणरूवाए । अच्छेरयभूयाए इहागयाए कहसु इण्हि || ३२० ॥
तो कहिए वृत्तं वृत्तं समणीहिं सुंदरि ! इमाहिं । भगिणीहिं समं धम्मं कुणमाणी चिट्ठस तुमं पि ॥३२१|| तो ताण पाणवल्लहसमाणगुणकहणतुट्ठचित्ताण । जं बुद्धदेवभत्तो भत्तति विसंवयइ वयणं ॥ ३२२ ॥ समणीणं सिक्खाए दक्खापाणेण संततावाण । धम्मज्झाणपराण दिणाणि वच्चंति तो ताण ॥३२३|| सुररमणिरूवमाणं हरंति लावण्णजलहिवेलाओ । अइनिउणधीवरेहिं वि अलद्धगंभीरमज्झाओ || ३२४|| इय अन्नदिणे नरवइअत्थाणे ताण गुणकहावसरे । एगेण वामणेणं भणियं खोहेमऽहं ताओ || ३२५ ॥ तो कोउगेण रन्ना सहऽ प्पपुरिसेहि पेसिओ एसो । वामणओ वसहीए गंतुं वंदेइ वइणीओ ॥ ३२६॥ वंदित्ता वसहिओ नीहरिओ लोयविंदपरियरिओ । सोहग्गसिरिनिवासो आसीणो पट्टसालाए ॥ ३२७॥ ताणं पि कोउगेण पेच्छंताणं भणेइ वामणओ । चरियं अइअच्छरियं कहेमहं वट्टमाणस्स ॥३२८॥ 88 इह अत्थि जंबुद्दीवे भरहवासम्म मज्झिमे खंडे । सिरिउसहदत्तसिट्ठी नयरीए तामलित्तीए || ३२९॥
For Private & Personal Use Only
www.jainelibrary.org
