________________
जयन्तीप्रकरणवृत्तिः । गाथा २ । ३
पुच्छइ य पणर्याणि सरहससिंगारसारपरिवारो । जाइ कहिं ? विज्जाहरलोओ साणंदसंभारो || ३०४|| अह साहइ रयणवई पिययम ! एयम्मि पव्वए अत्थि । नामेण सिद्धकूडं सिहरं सोहग्गसिरिवासं ॥३०५|| तत्थ य सिद्धाययणं गयणयलुल्लिहणलालससिहग्गं । अट्टुत्तरसयसासयमणिमयजिणबिंबरमणीयं ॥३०६॥ तत्थ जिणवंदणच्चणमहामहं काउमेस जाइ जणो । जं जिणवराण भत्ती संपत्ती सव्वसोक्खाणं ||३०७ || अम्हाण जइ वि बुद्धो देवो सिद्धो तहावि जिणपूयं । दडुं वयमवि जामो इय जंपइ वीरभद्दो वि ||३०८|| अह सिद्धाययणगए तम्मि थुणंतम्मि जिणवरगुणोहं । सरससरेहि विज्जाहरलोयणकमलाई वियसंति ॥ ३०९ || सो जणओ सुहजणओ जस्सेसो होइ गुणनिही तणओ । एसो हु अमियवाणी इमस्स जणणी रयणखाणी ॥ ३१०॥ एवं लद्धपसंसो हंसो इव सुद्धपक्ख अवयंसो । विज्जाहरमणकमलायरम्मि लीलारई एसो ॥ ३११॥ पच्चागओ सगेहं विज्जाहरलोयलद्धजसपसरो । रयणवईए सद्धिं सुहेण कालं गमइ एसो ॥ ३१२ ॥ अवलोइज्जइ पुहवीगामागरनगरमंडिओद्देसं । आगासगामिणीए विज्जाए जं फलं एयं ॥ ३१३॥ दट्ठव्वाणं दंसणमेव फलं होइ नयणकमलाण । अह अवरवासरे सो इय जंपइ पणयणीहुत्तं ॥३१४॥ तो पच्छिमरयणीए रयणवईए समन्निओ एस । विज्जासामत्थेणं समागओ पउमिणीखेडं ॥३१५॥ समणीवसहिदुवारे मुत्तुं विज्जाहरिं तओ एस | लहु तणुचितं काउं एगंते झत्ति संपत्तो ॥ ३१६॥
Jain Education International 2010_02
For Private & Personal Use Only
१०९
5
10
15
20
25
www.jainelibrary.org
