________________
१०८
10
जयन्तीप्रकरणवृत्तिः । गाथा २३ अहवा
हिययत्थलम्मि रूढो तुह धवलाओ सयावि फलदायी ।
बोही जेण पिय च्चिय सुयणु ! तओ तयणुबंधो वि ।।२९१॥ उक्तं च
"सम्मत्तदायगाणं दुप्पडियारं भवेसु बहुएसु ।। सव्वगुणमिलियाहि वि उवयारसहस्सकोडीहिं" ॥२९२॥[ संबो.प्र./गा.९५५ ] बहुगुणसालं वच्छे ! इच्छंती सुयणु ! वल्लहं अच्छ । धम्मारामे तम्हा सुहासमे अम्ह पासम्मि" ॥२९३।। इच्चाइयवयणेहिं मन्नइ साणंगसुंदरी सव्वं । पियमेलयम्मि तित्थे पत्ताहं पुन्नजोगेणं ॥२९४|| इन्ति समणीहिं समं वसहिं तो णंगसुंदरिं देवि । नयणुप्पलमालाहि तरुणा अच्चंति पच्चंगं ।।२९५।। पियदंसणा वि तीए मित्तीए रंगमुव्वहइ देहे । हवए च्चिय जं राओ मित्तीपत्तेहि पत्तेहिं ॥२९६।। समगणवल्लहकहणे भणियं पियदंसणाए मज्झ पिओ। तत्ततवणिज्जकंती भणसि तमं नीलमणिदिति ॥२९७॥ इय संकहाण ताणं भणियं समणीहिं अम्ह वसहीए ।
एवं कहा न जुज्जइ निसीहियाए पविट्ठाणं ॥२९८।। उक्तं च
"होइ निसिद्धप्पा निसीहिया तस्स भावओ होइ ।
अणिसिद्धस्स निसीहिया केवलमित्तं हवइ सद्दो" ॥२९९॥ [ ] तवतावियदेहाणं समणीणं वयणरुइविसेसणं । गलियमयणाण ताणं दिणाणि वच्चंति निव्विग्धं ॥३००॥ सोऊण वीरभद्दो पत्तीकुसलपउत्तिसंजुतिं ।। पीयूसपाणतत्तिं पत्तो तत्तो इमो सुमणो ॥३०१॥ रयणवई रुववई दिव्वं विज्जाहरिं विवाहेउं । सक्रिोसभोगललिओ अच्चुयलच्छि धरइ एसो ॥३०२।। पिच्छइ य अन्नदियहे लोयं विज्जाहराण गच्छंतं । मणिभूसणरमणीयं देवंगदुकूलनेवत्थं ॥३०३॥
15
20
Jain Education International 2010_02
For Private & Personal Use Only
www.jainelibrary.org
