________________
१०७
10
जयन्तीप्रकरणवृत्तिः । गाथा २।३
जा किट्ठभूमिभागं तीए सह वुड्डतावसा इंति । पुरपरिसरम्मि पत्ता अह सा एगागिणी वुन्ना ॥२७९।। जूहब्भट्ठा हरिणी विंदब्भट्ठ व्व होइ जह करिणी । मन्नंती सुन्नदिसा जा चिट्ठइ सुगइदिट्ठि व्व ॥२८०।। ता पुन्नपगरिसेणं पेच्छइ सा तत्थ सोममुत्तीओ। बाहिं समागयाओ समणीओ तावसमणीओ ॥२८१।। तप्पायप्पणयाए तीए पसरंति बाहसलिलाई । ससिकंतफलिहनिम्मलधवलप्पहदिठ्ठिजुयलाए ॥२८२॥ उवसंतपावतावा, आभट्ठा ताहि समणीहि । कासि तुमं ? कीस पुणो करिसि ? असमाहिमच्चन्तं ॥२८३॥ जणणीण व ताण पुरो निवेइओ तीए निययवुत्तंतो । तो ताहि सा भणिया पसन्नवयणाहिं वेइणीहि ॥२८४।। "पिच्छेहऽणंगसुंदरि ! संसारो एस एरिसो चेव । हेयव्वो भव्वेहिं सुविइयतत्तेहिं सत्तेहि ।।२८५॥ अम्हारिसजीवाणं विसुद्धधम्मम्मि कोडिपत्ताणं । इहलोओ परलोको सिज्झिस्सइ किंतु निव्विग्धं ॥२८६।। वसणम्मि वि च्छिद्देसुं पूरिज्जंतेसु निम्मलगुणेहिं । दिढवत्थंतरसंगमसुहिया तं साविए ! होसि ॥२८७।। अहिउल्लसियदयाणं समणीण फुरंतभूरिसत्ताणं । वेलाण व संगेण सिरियलाहो न ते दुल्लहो ॥२८८॥ पियदंसणा तुमं पि य जं तं पियदंसणाए तं भगिणी । . सबंभचारिणीए सह जोगो होइ सुहहेऊ ॥२८९॥ अन्नं च
तुमए जिणधम्मो रम्मो कप्पदुम्मो व्व फलदाया । लद्धो वच्छे ! ता तुह धवलाहे को णुम्माहो ? ॥२९०॥
25
१. भीता । २. वृन्दभ्रष्टा इव । ३. सुगतदृष्टिरिव । ४. तापशमन्यः । ५. व्रतिनीभिः । ६. पतिलाभे।
Jain Education International 2010_02
For Private & Personal Use Only
www.jainelibrary.org
