________________
१०६
जयन्तीप्रकरणवृत्तिः । गाथा २।३ gg अह सो वि वीरभद्दो जलहिं पडिकलयं पडिहणंतं ।
भंगेहि अविगणंतो फलयकरो साहसुल्लसिओ ॥२६६।। दिढबाहुदंडपडिहयफुरंततरवारिघायसंघाओ। लीलारइनामेणं ट्ठिो विज्जाहरिंदेण ॥२६७।। लावन्नपुग्नदेहं अक्खोहं आवयाहि उयहिं व । तं सिरिभायणमेसो तो गिण्हइ पाणिकमलेण ॥२६८।। वेयड्डगिरिविरिंदो नेऊण गयणवल्लहे नयरे । साणंदमणेणुत्ता नयघरिणी रयणमंजूसा ॥२६९।। एसो खु पिए पुत्तो पुव्वज्जिअपुन्नपगरिसवसेण । अम्हं निरवच्चाणं सच्चं कुलदेवययादिन्नो ॥२७०॥ इय सोच्चा सा दट्टं तं पुत्तं दिव्वलक्खणावरियं । रामं व वीरचरियं हवइ सतोसा सपुत्तेव ॥२७१।। कीरंतेहि सुमणोभिरामसम्माणदाणदामेहि । न थिरं कहमवि जायइ जह कविचवलं मणो तस्स ॥२७२।। तह लीलारइविज्जाहरेण पन्नत्तिदेवयाए सो । मुणिऊण वीरभद्दो भणिओ मियमहुरवयणेहि ॥२७३॥ पुत्त ! तुम मा सोयसु तुज्झ पियाणंगसुंदरी पत्ता । तीरम्मि फलयहत्था तावससंबोहिया संती ॥२७४।। मरणमणं चईऊणं कुलवइपयपउमसंथववसेण । चिटुंती अक्खंडियसीला तुह संगमुम्माहा ॥२७५।। एगम्मि दिणे दिट्ठा वणफलवित्तीए दिव्वकन्तिल्ला । ता चिंतियं चऽणेणं एसा सक्खं मयणघरिणी ॥२७६।। मयणस्स य गंधेण इत्थ वमिस्संति तावसकुमारा । मह गोउलम्मि पीयं मन्ने सन्नाणपीयूसं ॥२७७॥ तो कुलवइणा वुत्ता पुत्ति ! तुमं गच्च पउमिणीखेडं । नवरं तत्थ भविस्सइ तुह वल्लहसंगमो नूणं ॥२७८।।
15
25
Jain Education International 2010_02
For Private & Personal Use Only
www.jainelibrary.org
