________________
१०४
जयन्तीप्रकरणवृत्तिः । गाथा २।३ एए य मज्झ पाणा अज्ज वि वज्जप्पवायदुस्सहम्मि । पाणपियविप्पयोगे कहं न मुंचंति अप्पाणं? ॥२४॥ कित्ति च्चिय सलहिज्जइ नायगविरहे दिसासु वियरंती । पाणिग्गहललियंगी गिहिणी एगागिणी न उण ॥२४१।। इच्चाइ चिन्तिऊणं पासं रइऊण उत्तरिएणं । तरुसाहाए एसा अप्पाणं लंबए सहसा ॥२४२।। कुसुमसमिहत्थमागयमज्झिमवयतावसो वणे तत्थ । मा साहसं ति सदओ जंपतो झत्ति संपत्तो ॥२४३।। ता पासं छिदित्ता सित्ता सा तेण सीयसलिलेण । वक्कलचेलंतेणं पवणेणासासिया सुइरं ॥२४४॥ आभासिया य वच्छे ! अतुच्छकुललक्खणा वि कहमेवं ! । इयरजणजोग्गसाहसमवलंबसि साहसु इमं ति ॥२४५॥ उवलद्धचेयणाए वियसियसयवत्तफुल्लनयणाए । तोऽणंगसुंदरीए मियमहुरं जंपियं एयं ॥२४६।। अवरावरदुहसायरपडियाए मुणिवर ! मह इण्हं । पासो च्चिय सन्निहिओ विहिओ अहिएण दइवेण ॥२४७|| तो भणइ तावसो सो मा तं जंपसु विसायवयणाई ।
जं उत्तमजीवाणं वसणे वि हु धीरया होइ ॥२४८।। जओ
"गंगा वि भवे पडिया पडिकूलजलावगाहगाहेहि ।
लोलिज्जन्ती निवड कट्ठसमुद्दम्मि विउलम्मि" ॥२४९॥ [ ] "जेणं चिय संसारो अणेगदुक्खाण एस भंडारो । तेणं च्चिय सप्पुरिसा लग्गा परलोयमग्गम्मि" ॥२५०॥ [ ] लक्खणओ पुण नज्जइ अज्ज वि तुह वल्लहो धरइ जीयं । ता तं पुच्छसु वच्छे ! गच्छसु महकुलवई दढें ॥२५१॥ जेणेसो नाणरवी आसाण पयासणेण लीलाए । वियरइ विरहिआणं संजोयं सउणचक्काणं ॥२५२॥
15
20
25
Jain Education International 2010_02
For Private & Personal Use Only
www.jainelibrary.org
