________________
१०१
जयन्तीप्रकरणवृत्तिः । गाथा २१३
मुणिवसहा निस्सगं पवयणपडिवायणुज्जुत्ता । उव्वूढमाभारा गुरुणो मह अनिययविहारा ॥२०१॥ भवजलहितरणपोओ अक्खयफलओ अलोहसंजोओ । धम्मो दयाए रम्मो जिणभणिओ दिन्नसिवसम्मो ॥२०२।। जीवाइयं तत्तं केवलनाणीहि जमिह पन्नत्तं । अभिरुइयं चिय पिययम ! मिच्छत्तं तह मए चत्तं ॥२०३॥ निम्मलगुणमणिसायरजिणधम्मविवेयलच्छीदाणेण । भवदोगच्चं पिययम ! तुमए मह दूरमवहरियं ॥२०४॥ धन्नाहं कयपुन्ना जीए कप्प(मेण मह तुमए । संजोओ सो जाओ जो दुल्लहो अकयसुकयाणं ॥२०५।। किंतु मह दंसिज्जउ गुरूण गुरुणीण मुत्तिनेवत्थं । चित्तेणं चित्तेण वि जमहं सक्खं व पेच्छामि ॥२०६॥ तो चित्तपट्टियाए साहिणयं वीयरायजिणपडिमं । लिहिऊण साहुसाहुणिरूवाइं दंसए एसो ॥२०७|| तो निच्चं जिणपूयणगुरुवंदणनंदणम्मि दुण्हं पि । कल्लाणगिरिट्ठियाणं सहलाइ दिणाई वच्चंति ॥२०८॥ इय दुण्हं अन्नोन्नं सधम्मचरियाण नेहभरियाण । सुकयतरुकुसुमविब्भमजिणिदधम्मुज्जमो जाओ ॥२०९।। हिययम्मि गहीरे सायरम्मि पसरंति तस्स उक्कलिया । अह अन्नदिणे गुरुयणसुमरणसंचलिरमीणेण ॥२१०॥ पियराण पयइवच्छलनेहलचित्ताण देवयाणं व ।
बहुमाणो कायव्वो पच्चुवायरो न पुण सक्को ॥२११।। भणियं च
"दो चेव देवयाइं अम्मापियरो य जीवलोगम्मि । तत्थ वि पिया विसिट्ठो जस्स वसे वट्टए माया" ॥२१२॥[ ] "वच्छरमोसहसोसणमच्छउ पुसवंतिमाउए दुक्खं । गब्भिक्कदिणदुहस्स वि न निक्कयं देइ चक्की वि" ॥२१३॥[ ]
15
25
१. ऋणं । Jain Education International 2010_02
For Private & Personal Use Only
www.jainelibrary.org
