________________
१००
10
___10
जयन्तीप्रकरणवृत्तिः । गाथा २।३ तीए रन्नो कहिए सेट्ठी हक्कारिऊण तो पुट्ठो । सुम्मइ तुम्ह सुओ किं रूवेण कामदेवो त्ति ? ॥१८८॥ आमं ति तेण वुत्तो भणइ निवोऽणंगसुंदरिं तस्स । वियरिस्सं जेणेसा जुग्गा नन्नस्स पुरिसस्स ॥१८९।। तं देव ! सामिसालो अम्हे पुण पायसेवगा तुम्ह । जुत्ताजुत्तं जाणह तुब्भ च्चिय इत्थ अत्थम्मि ॥१९०।। इय सेट्ठिसंखभणिए उत्तमतिहिकरणलग्गसंजोगे । रन्ना पाणिग्गहणं कारवियं दिव्वरिद्धीए ॥१९१।। उवभुंजइ विसयसुहं सो तीए तयणु गुणपसत्ताए । इंदो विन्दाणीए विबुहेहिं संथुणिज्जतो ॥१९२॥ "चिंतइ य वीरभद्दो एसा गुणरागिणी सुसील त्ति । जह जाणइ जिणधम्मं अहं जइस्सं तहा सम्मं ॥१९३॥ जिणवयणभावियमई भणइ तओऽणंगसुंदरीहुत्तं । लभ्रूण पिए मणुयत्तणाइसामग्गिमइदुल्लहं ॥१९४॥ देवगुरुधम्मतत्तावबोहगंगापवाहसुपवित्तं । कायव्वं नियजम्मं सम्मं सिवसोक्खकंखीहि ॥१९५।। अट्ठविहपाडिहारो अइसयगुणरयणरोहणगिरिंदो । इंदाइविहियसेवो देवो अरिहं इहं वुत्तो ॥१९६।। समसत्तुमित्तभावो अवगयजीवाइवत्थुसब्भावो । अकलंकसीलभारो मुणी गुरू उज्जयविहारो ॥१९७|| तत्तं जीवाइयं सत्तविहं नवविहं बहुविहं वा । जं वीयरायभणियं उज्झियपुव्वावरविरोह" ॥१९८।। इय तव्वयणायन्नदिणमणिकिरणोग्गमेण तमहरणे । तीए वियसइ माणससरम्मि सम्मत्तसयवत्तं ।।१९९।। महुपाणमत्तभमरी पसिमरझंकारतारसद्देण । सा जंपइ पिय ! मज्झ वि देवो अरिहं सिवो सोमो ॥२००॥
15
20
25
Jain Education International 2010_02
For Private & Personal Use Only
www.jainelibrary.org
