________________
10
जयन्तीप्रकरणवृत्तिः । गाथा २।३
पेच्छइ यऽणंगसुंदरिरायसुयं रयणासणासीणं । वीणं परिवायंती निहुयं सहिया वयंसीहिं ॥१४९।। उचियपडिवत्तिकरणे दावियसाणंदासणा कुमरी । विणयवई परिपुच्छइ का एसा सुहसमागमणा ? ॥१५०॥ विणयवई विणएणं जंपइ तुह पायदंसणुम्माहा । सेज्झी अम्हाण सही अज्जाऽवस्साऽऽगमुच्छाहा ॥१५१।। पुण पुच्छइ निवधूया अच्चब्भुयरूवसंपयं दटुं । एसा सोहग्गमहानिही सही तुम्ह किंनामा ? ॥१५२।। इय पुट्ठा वि न जंपइ जावज्जवि किंपि सेट्ठिणो धूया । भो झत्ति तेण भणियं सामिणि ? मह वीरमई नाम ॥१५३।। अन्नं पि विन्नविज्जइ एसा वीणा गणेहिं परिहीणा । केससगब्भा तंती जं दंडे कक्करकंती ॥१५४।। अप्पियवीणाए निवधूयाए पयंसिओ तओ केसो । उच्चलिऊणं तंती दंडाओ कक्करो सक्खं ॥१५५।। पुण सज्जियवीणाए महुराए वाइयाए भंगेहिं । अक्खित्ता रायसुया वियरइ संतोसदाणाइं ॥१५६॥ भणइ य सोवालंभं विणयवई किस झत्तियकालं । नाणगुणरयणखाणी वीरमई दंसिया न तए ? ॥१५७।। इय आनंदकहाए सच्छंदं अच्छिऊण कुमरीए । आइटुं निच्चं चिय कायव्वं इह समागमणं ॥१५८।। पडिवज्जिऊण एवं सगिहं पत्तेणं वीरभद्देण । विन्नत्तो नियजणओ विणएणं पंजलिउडेणं ॥१५९।। ताय ! खमियव्वं रायसुयंऽणंगसुंदरिं दटुं । समवेसो भगिणीए जमहं पत्तोऽम्हि निवगेहं ॥१६०॥ निच्चं चिय गंतव्वं ताय तयब्भत्थणाणुरोहेण । तम्हा तुम्हाऽणुन्ना इत्थ पयत्थे हवउ अम्ह ॥१६१॥
Jain Education International 2010_02
For Private & Personal Use Only
www.jainelibrary.org
