________________
९६
10
जयन्तीप्रकरणवृत्तिः । गाथा २।३ सा किं ? कन्ना उव्वणजोव्वणपसरंतरूवलावन्ना । परिचियकलाकलावा पुन्निमससिमुत्तिरमणीया ॥१३६॥ पुच्छइ पुणो वि एवं वियड्ढगुट्ठीण उच्छुलट्ठीण । सा किंतु जम्मभूमी सरसा सुसिणिद्धसब्भावा ॥१३७॥ तो जंपइ विणयवई बंधव ! रूवसंपदुक्करिसा । तियसीण दप्पहरिणी सक्खं नज्जइ मयणघरिणी ॥१३८॥ पीऊससारिणीए करणि सा वहइ महुरवाणीए ।
चउरुत्तिजुत्तिमुत्तियफलाण खीरोयवेल व्व ॥१३९।। अन्नं च___“अप्पाणुमाणविन्नाणरूवगुणरयणरोहणगिरिन्दा । _ न हु संभवंति पुरिसा परिणयणं नेच्छइ तो सा" ॥१४०॥[ ]
"अवियड्डपई पोढंगणाण सुगुणाण निग्गुणो सामी । चाईण तुच्छविहवो तिन्नि वि गरुयाइं दुक्खाई" ॥१४१॥ [ ] एएणत्थेणं चिय पियराण सुदुस्सहं दुहं तीए । का अन्ना कन्नाए गई हविज्जति ? चिन्ताए ॥१४२॥ दट्ठव्वाणं अवही तुम्ह सही एमि तो अहं पि तहिं । इय उक्कंठियहियओ जंपइ सो वीरभद्दो वि ॥१४३।। विणयवईए भणियं पुरिसाणं बालवुड्ढयाणं पि । अंतेउरे पवेसो बंधव ! रक्खिज्जए धणियं ॥१४४॥ पायपयारं न करइ पायं सूरो वि जत्थ तत्थ कहं । भाऊय ! गंतुं इच्छसि ? जयवि तुमं वीरभद्दोऽसि ॥१४५।। होउं तुम्हसरिच्छो तहा अहं रइयसरिसनेवत्थो । सव्वकलासुं दच्छो कहं न गच्छामि ? अइसच्छो ॥१४६॥ इय सोउं तव्वयणं सा जंपइ भाय ! विस्सरूवोऽसि । जह तं सव्वगओ च्चिय किमियाणि कीरइ विलंबो ? ॥१४७॥ दिव्वोसहिजोगेणं विरइयरमणीयरमणिरूवेणं । कन्नन्तेउरमेसो गच्छइ सह निययभयणीए ॥१४८।।
Jain Education International 2010_02
For Private & Personal Use Only
www.jainelibrary.org
