________________
AU
जयन्तीप्रकरणवृत्तिः । गाथा २३
इय संखसिठ्ठिसुवयणपीयूसरसेण पल्लविज्जंतो। नेहदुमे सच्छाओ सो वीरो निव्वुयसरीरो ॥१२३॥ एत्थंतरम्मि केणवि अवसरपाढेण मंगलमुहेण । दुविहं संखनिनायं सोच्चा पढियं सुगंभीरं ।।१२४॥ वसुपूररियासो सूरो देसंतरेसु वियरंतो । उच्चपयं सुपयावं मज्झत्थो संपयं पत्तो ॥१२५।। तो सेट्ठी पुण जंपइ पुत्तय ! नियमंदिरम्मि आगच्छ । नियजणणिभयणिसयणाइगाइं पेच्छसु जहिच्छाए ॥१२६॥ आएसो त्ति भणेउं सद्धिं सो सिट्ठिणा गओ गेहं । पहाणाइगउरवेणं तो भुत्तो दिव्वमाहारं ॥१२७॥ भुत्तुत्तरं इमस्स उ सुयंधतंबोलरंजियमुहस्स । भंडारं कोट्ठारं सिट्ठी दंसइ सुवित्थारं ॥१२८॥ सम्माणदाणखाणासणेहिं सयणेहि सुयणवयणेहिं । सो तत्थ वीरभद्दो गयं पि कालं न याणेइ ॥१२९॥ पुन्नाणुवंधिपुन्नोदएण भुवणं पि तस्स नियभवणं । सव्वो वि जणो सयणो सुयणो सो दुज्जणो जो वि ॥१३०॥ कुलपव्वयाउ तत्तो कित्ती गंग व्व पसरइ खमाए । परमहिमगिरिवराओ अइसयगुरुपउमहरयाओ ॥१३१॥ अवि मित्तमंडलगओ पडिपुन्नकलाकलावपरिकलिओ । सो सोहइ कंतीए विम्हयकरसोममुत्तीए ॥१३२॥ अन्नम्मि दिणे वियसियअच्छं वरवत्थरइयनेवत्थं । विणयवई नियभयणि पिच्छइ संपट्ठियं एसो ॥१३३।। तं पुच्छइ विम्हइओ कहिं तुमं बहिणि ! पुट्ठिया ? इण्हि । वियसियमुहारविंदाणुमेयअच्चंतहरिसेण ॥१३४॥ सा भणइ मज्झ बंधव ! रायसुयाणंगसुंदरी अत्थि । निद्धसही तो तीए दंसणसुहलालसा जामि ॥१३५॥
20
25
Jain Education International 2010_02
For Private & Personal Use Only
www.jainelibrary.org
