________________
5
10
जयन्तीप्रकरणवृत्तिः । गाथा २।३ तारुन्नेऽरन्ने कह कुसलं ? सह करणतेणसेणाए । परिवसइ पंचबाणो शबरजुवाणो जहिं वच्छ ! ॥११०॥ जुव्वणवणम्मि ! पुत्तय मयणहलं होइ निच्छयमएण । जं वामइ गंधेण वि सहसा गुरुवयणपीयूसं ॥१११॥ सो होइ वियारो ताय जुव्वाणजोवणे विसर्दृते । हियजणयपओगेणं रक्खेयव्वो पयत्तेण ॥११२।। पियराण परिहारं काऊणं वच्छ देसयालीए । एगागी गच्छंतो पाविज्जइ दोसआलीए ॥११३॥ नियजणयवाणरसिया मूलाउ च्चिय खमाइसंलीणा । तुम्हारिसा सुपत्ता सुसाहिणो हुंति फलवंता ॥११४॥ सोमो वि कलामंडलरमणीओ पावतावपडिवक्खो । वियरन्तो देसेसुं दीसइ चंदो कलंकिल्लो ।।११५।। सूरोऽवि दक्षिणोत्तरायणाई वच्छ ! पिच्छसु कुणंतो । सिसिरे पहीणतेओ गिम्हे संतावओ लोए ॥११६॥ ते सुयणा विरल च्चिय अज्जवपरिणामललियमज्झत्था । जेसु गुणाण कणाण व कुणंति अग्धं महग्घविया ॥११७।। पइगामं चिय धणियं खलसंगो होइ सव्वदेसेसु ।
पयमलणं उप्पिणणं अवियप्पं होइ धन्नाणं ॥११८।। अहवा
जं पुत्तं ! नीइनिस्सेससत्थवित्थारनायपरमत्थो । एगागी वि पउत्थो तं मन्ने कारणं अन्नं ।।११९|| अट्टाणं अम्हाणं वुड्डाणं पुत्तलाहसड्ढाणं । कुलदेवयाविइन्नो तुमंसि कुलभूसणो पुत्तो ॥१२०॥ अज्जं तुह आगमणे इहावणे वच्छे ! कयचमक्कारो । सो जाओ ववहारो जो सक्खं लच्छीपइसारो ॥१२१।। तो वीरभद्दपुत्तय ! भदं तुह होउ मह गिहागमणे । कमलुल्लासेणिमिणा सहसा नं सूरउग्गमणो ॥१२२।।
15
20
25
Jain Education International 2010_02
For Private & Personal Use Only
www.jainelibrary.org
