________________
जयन्ती प्रकरणवृत्तिः । गाथा २ । ३
रयणउरं नामेणं नयरं तत्थत्थि सुरपुराओ वि । अहियं चिय जं दिव्वाईसयवरा नरवरा बहुया ॥९७॥ लच्छीए कुलगेहं जो लंघइ कहवि नेय मज्जायं । तत्थ रसाण निवासो सच्चं रयणायरो राया ॥ ९८ ॥ पाणपिया वि महासई उत्तमकुलरूवतिहुयणब्भहिया । तस्सत्थि अग्गमहिसी देवी तेलोक्कदेवि त्ति ॥९९॥ गंभीरधीरस धवलगुणो सइपवित्तयासहिओ । किंतु कुडिलत्तरहिओ सिट्ठी नामेण संखो त्ति ॥ १०० ॥ तस्सावणधरणीए हरिसरसोल्लसियपायपसरेण । कप्पद्दुमेण व सहसा अवइन्नं वीरभद्देणं ॥१०१॥
तयं तुट्ठो सिट्ठी संखो विचितए एवं । को एस दिव्वरूवो ? सक्खं गुणरयणरासि व्व ॥१०२॥ पढमाभासणरसिओ आभासइ पत्तदंसणुल्लसिओ । आगच्छ वच्छ ! उवविस कओ तुमं आगओ एत्थ ? ||१०३ || तत्तो अवणयगत्तो आलत्तो तेण अमियरससित्तो । आसीणो महुरगिरा कयंजली विन्नवइ वीरो ॥ १०४॥ अहमुसभदत्तपुत्तो दक्खिणभरहद्धतामलित्तीए । देसंतराण दंसणकोऊहलमित्तकज्जेण ॥ १०५ ॥ एगागी वियरंतो अज्जं चिय ताव पवहणुत्तिन्नो । इन्दिदिरसुंदरं तुह पयपउमे इहं पुत्तो ॥ १०६ ॥
तो भइ संखसिठ्ठी लच्छीकुलमंदिरं तुमं पुत्त ! | सव्वंगलक्खणेहिं वियक्खणेहिं जओ नाओ ॥१०७॥ जोव्वणभरम्मि विणओवयाररसिएहिं जत्थ पियराण । होयव्वं तत्थ कहं गुरूण दूरेण गंतव्वं ? ॥ १०८॥ अगुरूण पासगओ पावयसंगेण कह समुज्जोयं ? | पाविज्ज धूमकुरुलीमोहतमेणं सुपुरिसो वि ॥१०९॥
Jain Education International 2010_02
For Private & Personal Use Only
९३
5
10
15
20
25
www.jainelibrary.org
