________________
जयन्तीप्रकरणवृत्तिः । गाथा २॥३ एसो सम्मइंसणदिट्ठी पियदंसणा य मह पुत्ती । एसो पुण अणुरत्तो संजोगो तो इमो तत्तो ॥५८||
कप्पदुमे कप्पलया चंदे जुण्हा रविम्मि उग्गपहा । ___एयम्मि मज्झ पुत्ती अणुरूवो एस संजोगो ॥५९॥ अन्नं च
"जइवि गुणरयणखाणी तहवि हु परभवणमंडणी तणया । भणियं च
पियराण माणमाहप्पखंडणी हवइ हु अवस्सं" ॥६०॥ "महिहरतणया रयणायरप्पिया वहइ नम्मया सलिलं । सच्चं नीससइ जणो अव्वो धूयाए जायाए" ॥६१॥ [ ] दुहियाई हुँति तीए जम्मे पियराइं तेण दुहिय त्ति । भण्णइ परतंताए जम्मो जं तीए नेयव्वो ॥६२॥ किंतु इमाए एसो अणुरत्तो जेण सभूयासहिओ । मह सायरस्स तणया ता लच्छी चेव नायव्वा ॥६३॥ ता दायव्वाऽवस्सं एसा एस्स वीरभद्दस्स ।। अणुरूवगुणाणं चिय जोगो कल्लाणमावहइ ॥६४॥ ता सयणसउणसम्मयसुलग्गतिहिकरणरिक्खगहजोगे । भुवणच्छेरयभूयं पाणिग्गहणं हवइ ताणं ॥६५।। कइवयदिणाण अंते पेमाबंधे तयम्मि संकंते । पियदंसणाए सद्धि गच्छइ सो तामलित्तीए ॥६६॥ तो अम्हे चिट्ठामो हिट्ठा तुट्टा सपरियणा सामि !। लीलाए कज्जसिद्धी जेण महत्था वि संजाया ॥६७॥ एसो पुण दुल्ललिओ दइवो दंती कहं पि न क्खलिओ । सोत्थियजणसोक्खाणं रुक्खाणं भंजणुज्जुत्तो ॥६८|| जस्स पयावो अहिओ सहिओ तेएण विप्फुरंतेण । तस्स वि रविणो अहवा उदयत्थमणाइं जायंति ॥६९॥ पुरिसेण आगएणं अहऽन्नया ताव तामलित्तीए । पच्चइयेणं कहियं अम्हाणं तुट्ठचित्ताणं ॥७०॥
20
25
Jain Education International 2010_02
For Private & Personal Use Only
www.jainelibrary.org
