________________
जयन्तीप्रकरणवृत्तिः । गाथा २।३
तत्थऽत्थि उसभसेट्ठी लच्छीकुलमंदिरं समुद्दो व्व । जिणमयसम्मद्दिट्ठी दएक्कट्ठाणं सभज्जाओ ॥४५॥ जिणरायपायभत्ता अकंपसीलत्तमेरुगिरिचूला। तस्स य जंगमलच्छी घरिणी नामेण सिरिकंता ॥४६।। ताण सुओऽहं जिणपयपउमे फुल्लंधूओ वि महुचाई । करुणारामो वि सया निच्चफलबोहिलाभरओ ॥४७॥ ववसायवज्जियाणं पुरिसाणं होइ दूरगा लच्छी । तत्तो वाणिज्जेणं समागओ संपर्य इत्थ ॥४८॥ जेण पुण कारणेणं संपत्तो तुम्ह पायमूलम्मि ।
तं पुण सोवालंभं भणेमि सम्मं निसामेह ।।४९।। 86 पियदंसणाए तुम्हं तणयाए अज्ज चेइयहराओ ।
इंतीए सट्ठाणं अम्हाण निरिक्खमाणाणं ॥५०॥ तह कहवि मणो बद्धं दिटेण वि कुडिलकेसपासेण । जह निप्पंदं जायं अहो कला कावि दुल्लक्खा ? ॥५१॥ भालतिलओ तीए केण वि दिव्वेण निम्मिओ ताय ! । मह हिययं जेण इमं दिटेण विमोहियं सहसा ॥५२॥ नीलमणिनिम्मलाए दिट्ठीए तेयमुग्गिरंतीए । मज्झ मणो लीलाए तिणं व लहुयं समुक्खित्तं ॥५३॥ जो पुण सिहिणसिहोवरि तारो हारो लुलंतज्झलकंतो । सो तीए मह गुणवं सच्चं चिय मणहरो जाओ ॥५४।। रूवाइयगुणाण मह मणरयणस्स हरणवावारे । जो तीए सिंगारो सो संगारो मयणसारो ॥५५।। मह मणहरणे तीए इण्हि तह ताय ! होसु सुपासओ। जह चिट्ठाणि अहं पि य सुहेण पासम्मि संलीणो ॥५६।। ता चिंतियं मए पहु एसो उत्तमकुलम्मि संभूओ । जिणवयणभावियमई अहो सुवन्नं च सुरहिं च ॥५७।।
15
20
25
Jain Education International 2010_02
For Private & Personal Use Only
www.jainelibrary.org
