________________
10
जयन्तीप्रकरणवृत्तिः । गाथा २३ इय चिंतापरमंदरमहिए हिययम्मि सायरे तस्स । पियदंसणासिरी बहु वियंभए वीरभद्दस्स ॥३२॥ नीलुप्पलनयणाए वियसियसयवत्तसुरहिवयणाए । अहरारुणकिरणोग्गमअहरीकयबंधुजीवाए ॥३३॥ उल्लसियपक्खवाओ चंपयकंतीए तीए अणुरत्तो । भमरो व्व वीरभद्दो अम्हघरं तो सयं एइ ॥३४|| कमलदलदीहनयणो सक्खं चिय रूवसंपयामयणो । पुन्निमससहरवयणो आगच्छइ एस को सयणो ? ॥३५॥ इय अम्हाणं विम्हियरसेण वच्छम्मि पल्लविज्जते । एसो वि वीरभद्दो सच्छायघरंगणं पत्तो ॥३६।। सागयवयणसुहाए सेएण इमस्स अह सहइ पुलओ। भाविविवाहे मंगलजवंकुरुल्लाससोहग्गो ॥३७॥ तत्तो विणीयविणओ पणओ अम्हाण चरणकमलेसु । अलितरुणो व्व रएणं सत्तगुणाहिट्ठिओ वेसो ॥३८॥ गुणरयरोहणगिरी विणओ जस्सेह होइ साहीणो । सव्वाण संपयाणं स भायणं तत्थ किं ? चुज्जं ॥३९॥ विणयंगओ न चज्जं परिसोत्तमसंगमेण दिढपक्खो। सयसन्निहियसिरीओ दुजीहदूरीकरणदक्खो ॥४०॥ इय चिंतागंगोज्जलदिठ्ठीए दवियम्मि जत्तेण । भद्दासणे निसन्नो तत्तो अम्हेहिं णुन्नाओ ॥४१॥ पुट्ठो तओ उ पुत्तय कत्तो इत्थागया कया तुब्भे । केण निमित्तेण पुणो संपत्ता अम्ह पासम्मि ॥४२॥ ता भणइ वीरभद्दो तायसमाणण तुम्ह पायाण । नियचरियं वित्थरियं सयं पि लज्जावहं नेव ॥४३॥ अत्थि इह बंगदेसे धरणीरमणीविसेसयाकारा । नामेण तामलित्ती नयरी रयणायरब्भासे ॥४४॥
15
25
Jain Education International 2010_02
For Private & Personal Use Only
www.jainelibrary.org
