________________
10
जयन्तीप्रकरणवृत्तिः । गाथा २।३
अवगच्छइ मणमोहो भव्वाणं सम्मदंसणं होइ । अगोवंगुच्छाहो तो जायइ चरणपरिणामो ॥१९॥ इट्ठफलसिद्धिसूयगपुलयंकुरपडलबहलियसरीरो । सिट्ठी सागरदत्तो कयंजली विन्नवइ तत्तो ॥२०॥ केवलनाणदिवायर ! उज्जोइयसयलतिहुयणाभोय ! । आसावरोहपसरं मह तिमिरसंसयं हरसु ॥२१॥ सत्तण्हं पुत्ताणं उवरिं अम्हाण अइसइन्हाण। एगा पहु संभूया पुत्ती पियदंसणा नाम ॥२२॥ पालिज्जती कमसो वढेती सोमकंतिमुत्तीए । गिण्हई कलाकलावं सियपक्खे चंदलेह व्व ॥२३॥ जीए लावन्नामयभरेण नयणंजलीहिं पीएण । मणुयाणं तक्खणं चिय अणिमिसनयणत्तणं होइ ॥२४।। तारुण्णं घणरूवं सच्चं चिय जीए जेण पडिहणिओ । रूवमरट्टघरट्टो जं कामघरिणीए ॥२५॥ तिणिसलया विणएणं अमियमया मुहरसच्चवाणीए । सीलगुणसल्लईवणकरिणीकरणिं समुव्वहइ ॥२६॥ सिक्खंती कम्मकलं सेवंती वीयरायपयकमलं । घरदेवय व्व सुहया सा अच्छह गउरवग्घविया ॥२७।। एगम्मि दिणे सद्धि चेडीचक्केण चेईयहराओ । घरमिन्ती वणिएण दिट्ठा सा वीरभद्देण ॥२८॥ परिपुच्छिएण परियरजणेण परिकहियमित्थ नयरम्मि । एसा कन्ना तणया सागरदत्तस्स सिट्ठिस्स ॥२९॥ रूवविणिज्जियरंभा अइसयरमणीयजोव्वणारंभा । लक्खणपुन्ना कन्ना एसा तवणिज्जलावन्ना ॥३०॥ लोयणजुयजियहरिणी रइरससल्लइवणम्मि वरकरिणी । सीलगुणरयणधरिणी एसा कह हुज्ज मह घरिणी ? ॥३१॥
15
20
25
१. अतिसतृष्णानां । Jain Education International 2010_02
For Private & Personal Use Only
www.jainelibrary.org.
