________________
5
10
जयन्तीप्रकरणवृत्तिः । गाथा २।३ तहाहि
अत्थि इह भरहवासे नयरं नामेण पउमिणीखेडं । निच्चं भमरीओ इव लच्छीओ जत्थ खेलंति ॥६॥
अरुणकरपल्लविल्लो जम्मि असोओ जणो महाभोगो । होइ सुमणोऽभिरामो तरुणीचरणप्पहारेण ॥७॥ कलकंठकलालावो नाणारामाण सरसपन्नाण । दक्खिणसयागइरई जत्थ वसंतम्मि लोयम्मि ।।८॥ महुमासवज्जयम्मि वि गुरूवएसेण जत्थ लोयम्मि । चित्तम्मि पवढ्ता हवंति वञ्छासुया सहला ॥९॥ जत्थ दुहा सुहसीलाऽभिहा सुवन्नेण भूसिया लोया । अजडादया वि सदया अगया वि सया वि सिरिवईणो ॥१०॥ भुवणेऽब्भहियनिहीणं रक्खत्थं पुन्नरासिसंकासो। सेसस्स व आयारो सुहासिओ जत्थ पायारो ॥११॥ अरिकरिकुंभवियारणसमुवज्जियकित्तिमुत्तियफलोहा । पइदिसमुर्वितलच्छी मंगलसत्थियसिरी जस्स ॥१२॥ नयनंदणवणकंचणगिरिंदविच्छिन्नमेहलाबंधो । बन्धवकुमुयाणन्दो नरचंदो जत्थ नरनाहो ॥१३॥ अह अन्नया कयाई सुरदुंदुहिनायपूरियदियंतो । तम्मि पुरे उज्जाणे चउव्विहदेवेहिं थुव्वंतो ॥१४॥ भावयिणकमलदिणिन्दो पणयसुरिन्दो फुरन्तगुणविन्दो । अरनामा जिणचंदो समोसढो तिहुयणाणन्दो ॥१५।। तत्तो सव्वड्डीए भत्तिभरुब्भिन्नबहलरोमाञ्चो । तित्थयरवंदणत्थं वच्चइ राया सपुरलोओ ॥१६।। पंचविहाभिगमेणं विहिणा तिपयाहिणीं करेऊणं । जिणनाहं वंदित्ता निवो निसीयइ जहट्ठाणे ॥१७॥ धम्मं कहइ जिणिदो सदेवमणुयासुराइपरिसाए । तो अमियसारणीए सुमहुरगंभीरवाणीए ॥१८॥
15
Jain Education International 2010_02
For Private & Personal Use Only
www.jainelibrary.org
