________________
जयन्तीप्रकरणवृत्तिः । गाथा २३
एवं वीरजिणेणं वुत्तो मेहो महामुणी तत्तो । गीयत्थसाहुजुत्तो वच्चइ वेभारगिरिसिहरं ॥१०१९।। पडिलेहियथंडिल्लं पुढविसिलावट्टए तओ मेहो । संथारयमल्लीणो लीणो पउमासणासीणो ॥१०२०॥ उच्चारियपंचवओ हरिसवसुल्लासविहियसक्कत्थओ । अनियाणो निसल्लो मोहमहामल्लपडिमल्लो ॥१०२१॥ अंगीकयचउसरणो अट्ठारसपावट्ठाणपरिहरणो । मेहमुणी तत्थ ट्ठिओ अणसणपाओवगमणेण ॥१०२२।। तो सट्ठिभत्तच्छेयं मासियसंलेहणं करेऊण । धम्मज्झाणविमाणारूढो परमिट्ठिसंभरणो ॥१०२३।। तित्तीससागराऊ विजयविमाणम्मि मेहमुणिनाहो । एगावयारदेवो उप्पन्नो पुन्नसंपुन्नो ॥१०२४।। तत्तो चुओ समाणो माणुसखित्ताइसव्वसामग्गि । लभूण खवियकम्मो पाविस्सइ सासयं सिद्धिं ॥१०२५॥ इइ अभयदाणविहिणा निहिणा पुन्नाणुबंधपुन्नाण । जीवो कल्लाणाइं मेहकुमारो व्व पावेइ ॥१०२६।।
अभयदाणे मेहकुमारकहाणयं सम्मत्तं ॥
10
15
20
नाणाईणमुवग्गहकरणं जं तं सुपत्तदाणं तु । सव्वोवाहिविसुद्धं दायव्वं सिवसुहत्थीहिं ॥१॥ रूवगुणेण मयणो सोहग्गेणं च होइ जलसयणो । बुद्धीए देवगुरू वंछियदाणेण कप्पतरू ॥२॥ रयणायरम्मि पवहणभंगे फलउवलंभसुहलंभो । होइ अकम्हा विम्हयकारी विज्जाहराणंदो ॥३॥ अवि गामदेसनयरंतरेसु दीवंतरेसु एगागी । कल्लाणं चिय पावइ सुपत्तदाणाणुभावेणं ॥४॥ जह वीरभद्दनामा सिट्ठिसुओ सोममुत्तिकंतिल्लो । उज्जोइयभुवणयलो ईसरसिरिसेहरो जाओ ॥५॥
25
Jain Education International 2010_02
For Private & Personal Use Only
www.jainelibrary.org
