________________
5
जयन्तीप्रकरणवृत्तिः । गाथा २।३
केणावि निमित्तेणं कत्थ वि पत्तो न नज्जए सम्म । पियदंसणं सुत्तं सो मोत्तूण वीरभद्दो त्ति ॥७१॥ पियदंसणाए पकओ दिट्ठो कि ? देव ! अविणओ तेण । अविणीयमग्गलग्गा विरुय च्चिय सावया हुंति ॥७२॥ रयणायरो वि जलही सरस्सईसुं खिवेइ जह खारं । वारंवारं तह पहु ! किं एसो वीरभद्दो वि ? ॥७३॥ अन्नं च गओ कन्नं रवि व्व परिहीणतेयमाहप्पो । उत्तरपयवीदूरीभूओ अहवा वि किं देव ? ॥७४॥ दोसाणं लहुयत्तं दिन्तो दिवसप्पयावतेयाणं । गरुयत्तं सूरो इव पच्छाहुत्तं कया एहि ? ॥७५।। इच्चाइयं उयंतं कहेह मह सामि ! वीरभद्दस्स । संसयसायरतरणे तुहवाणी चेव दिव्वतरी ॥७६।। अह भणइ जिणवरिंदो तिहुयणसाहारणेण सद्देण । एसो हु वीरभद्दो गुणरयणमहोयही ताव ॥७७॥ किंतु इओ पत्तेणं विचिंतियं तेण तामलित्तीए । पुरिसो अदिट्ठदेसो कुवनिलुक्को व्व मंडूको ॥७८|| अन्नन्नदेसनिम्मलकलोवलंभेण सोममुत्तिधरो । पुरिसो सुवित्तपुन्नो य मयलकलंकं वहइ हियए ॥७९॥ देसंतरावलोयणकोऊहलतरलमाणसो एसो। पियरपियदंसणाणं अणिवेइयकज्जपरमत्थो ॥८०॥ वेसविवज्जासेणं ओसहिगुलियापयोगमाहप्पो । निवसियअंधारपडो सणियं रयणीए नीहरिओ ॥८१।। चउसु वि दिसासु देसंतरेसु ठाणंतरेसु गच्छंतो । सम्माणिज्जइ एसो सुय व्व बंधु व्व निद्ध व्व ॥८२।। सद्दावस।संसयतिमिरहरो मिहिरमंडलसरिच्छो । वसुपूरयपूरियासो लहइ य अग्धंजली एसो ॥८३॥
25
Jain Education International 2010_02
For Private & Personal Use Only
www.jainelibrary.org
