________________
८३
10
जयन्तीप्रकरणवृत्तिः । गाथा २।३
उल्लसियवयणकमलो अकलुससच्छासओ सरयसरिसो । अणुसट्ठिमिच्छुलढेि मेहमुणी धारए महुरां" ॥९९३॥ हरिसंसुसलिलसेओल्लसंतवियसंतबहलपुलयंगो। मेहमुर्णिदो वीरं जिणेसरं विन्नवइ नमिउं ॥१९४।। "संजमगिरिसिहरारोहणम्मि खलियस्स मज्झ करुणाए । तुमए हत्थावलंबो दिन्नो दुल्लहो अपुन्नाणं ॥९९५।। गुणरयणायर ! सामिय ! तुह पयजुयले पहासमाणम्मि । मणखलणपावसुद्धिं करेमि गुरुभत्तिलहरीहिं ॥९९६॥ मह मेहस्स सुहोदयभावाहियचरणघायरयपसरे । निम्मलदयं पि जिणवर ! कलुसं चिय माणुस्सं जायं ॥९९७।। तुह अकयगवयणेणं कयगफलेणं व संपयं तं पि । जायं तह प्पसन्नं जह ललियं साहुहंसाणं ॥९९८॥ इच्छामि सामि ! संपइ अच्छिजुयं उज्झिऊण अंगम्मि । मुणिरायपायघट्टणपसायसोहग्गमइदुलहं" ॥९९९॥ "तो वीरजिणाइट्ठो मेहमुणी थेरपायपउमम्मि ।। दिढपक्खवायविहुणियरओ जहा छप्पओ निहुओ ॥१०००।। अंगोवंगोवगयं सुहयं परितावभावपरिहरणं । अणवरयं आसायइ सुयमयरंदं अमियमहुरं ॥१००१॥ पंचमहव्वयसुरतरुनंदणरमणीयसव्वपरभागो । मज्झत्थो जह मेरू थिरपरिणामो खणाहारो ॥१००२॥ चंदो व्व सोमलेसो केवलकलंकपुन्नवित्तधरो । पउमं व निरुवलेवो किंतु न इच्छइ जलावासं ॥१००३।। गयणं व निरालम्बो तारयमुणिरायगुरुकुलावासो । अपडिबद्धविहारो पवणो इव न उण चलभावो ॥१००४॥ मयवारणो अकलहो सुपन्नाबोही वि न उण अस्सत्थो । संखो व्व निरंजणओ हियए कुडिलो न उण कि पि ॥१००५।।
15
20
25
Jain Education International 2010_02
For Private & Personal Use Only
www.jainelibrary.org
