________________
15
तथा
जयन्तीप्रकरणवृत्तिः । गाथा २।३ एयस्स चेव वित्थररूवाइं महव्वयाई मूलगुणा ।
उत्तरगुणपरिवाडी वुत्ता तस्सेव रक्खट्ठा ॥९८०॥ उक्तं च
"एक्कं चिय इत्थ वयं निद्दिटुं जिणवरेहिं सव्वेहिं । पाणाइवायविरमणमवसेसा तस्स रक्खट्ठा" ॥९८१॥[ ] मेहकुमारमुणीसर कयवइजीवाण दिन्नभयदाणा । जइ एरिसी समिद्धी सिद्धी वि हु तुज्झ संनिहिया ॥९८२।। तो दिट्ठपच्चएणं तुमए सुहुमाइसव्वजीवाणं । संपुन्नमभयदाणं दायव्वं सव्वहा होइ ॥९८३।। तं पुण गुरुकुलवासे नाणाइयरयणरोहणगिरिन्दे ।
निवसंताण थिराणं खमाधराणं सया होइ ॥९८४॥ अन्नं च
"नाणस्स होइ भागी थिरयरओ दंसणे चरित्ते य । धन्ना आवकहाए गुरुकुलवासं न मुंचंति" ॥९८५॥[पञ्चा.११/गा.१६ ] जह सायरम्मि मीणा संघातं सायरस्स असहंता । निति तओ सुहकामा निग्गयमित्ता विणस्संति ॥९८६।। एवं गच्छसमुद्दे सारणमाईहिं चोइया सन्ता । निति तओ सुहकामा निग्गयमित्ता विणस्संति ॥९८७|| करुणारामे गुरुकुलवासे लब्भंति सुमणसफलाइं । दीसंति य तावहरा बहुपत्तपरिग्गहा गच्छा ॥९८८।। मूलगुणाण पसरो सुगुणट्ठाणोवलंभसुलहओ य । तुम्हारिसवच्छाणं साहासु य खंधवित्थारो ॥९८९॥ जोइज्जंति य इह वालया वि अइसुरहिवुड्डमूलगुणा । सुहबीयपूरया इंदियाण विविहाई चरियाई ॥९९०।। कल्लाणगिरिनिविटे गुरुकुलासम्मि नंदणवणम्मि । मेह ! तए वसियव्वं तत्तो विबुहप्पहाणे ।।९९१।। एवं महुरगिराए मेहमुर्णिदो जिणेण पन्नविओ। संजाओ साणंदो अमियरसेणं जहा न्हविओ ॥९९२॥
20
25
Jain Education International 2010_02
For Private & Personal Use Only
www.jainelibrary.org
