________________
10
जयन्तीप्रकरणवृत्तिः । गाथा २।३
पुव्वभवे कुमुयवणे पयासिए जिणवरिंदचंदेण । मेहजलासयदूरे अह पसरइ परिमलुग्गारो ॥९६७॥ पुव्वभवाण कहाए मिहिरस्स व्व मेहसाहुमणकमले । चारित्तमोहणीयं कम्मं तुहिणं व परिगलियं ॥९६८।। अणुहूयं नियचरियं सुमरइ जं भगवया पवित्थरियं । तो ईहापोएहिं जाईसरणेण मेहमुणी ॥९६९।। आणंदबाहसलिलप्पवाहनिम्मिज्जमाणमुहकमलो । वंदित्ता वीरजिणं कयंजली विन्नवइ मेहो ॥९७०॥ तिहअणदिणमणिमंडल कारुन्नमहन्नवेण जं तुमए । वागरियं मह चरियं सव्वं तं नाह ! संभरियं ।।९७१।। "पुणरवि वीरजिणिंदो सोवालंभं भणेइ मेहमुर्णि । संवेयचूयमंजरिवियासमहुमाससारिच्छं ॥९७२।। तिरियत्तणे वि जइ गुरुसिक्खाविरहे वि ताण जीवाण । दाणाणं चूडामणिमाणं दिन्नं अभयदाणं ।।९७३।। तो धीर ! तुमं अहुणा बहुमन्नसि मेह ! किमिह गिहवासं ?। लद्धे वि हु चउरंगे चिंतारयणं व दुल्लंभे ।।९७४।। छज्जीवनिकायाणं आरंभो निच्चमेव गिहवासे । आरंभे जीवदया न होइ सुद्धा जओ भणियं ।।९७५।। "आरंभे नत्थि दया महिलासंगेण नासए बंभं । संकाए संमत्तं पव्वज्जा गंठिगहणेणं" ॥९७६॥ [ ] जीवदयाविरहे पुण धम्मरहस्सं न होइ सुविसुद्धं । दाणेणुग्गतवेण वि कायकिलिसेण जं भणियं ॥९७७॥ "नाणं दाणं झाणं तवोविहाणं गुरुण संमाणं । जं जीवदयावियलं अहलं तं कासकुसुमं व" ॥९७८॥ [ ] आरंभनियत्ताणं उवउत्ताणं मुणीण गुत्ताणं । संपुन्नमभयदाणं होइ पुणो भवविरत्ताणं ॥९७९।।
15
25
Jain Education International 2010_02
For Private & Personal Use Only
www.jainelibrary.org
