________________
5
10
15
20
25
७८
Jain Education International 2010_02
तं पुण र्दुप्परियल्लं पमत्तचित्ताण कीवजीवाण । जेणंतरंगरिऊणो छलेसि णो उज्जया निच्चं ॥ ९२८ ॥ एम्मि पत्ताणं रायसिरी सा पयट्टए अन्ना । जीए अणुरत्ताणं जीवाणं दुक्खदंदोली ॥९२९॥ गयराओ वि मत्तो जीवो सत्थाभिधायदुक्खाणि । लह गुरुओ विकिं पुण भन्नइ ? अन्नाणसत्ताण ||९३०|| तेलुक्क माणणिज्जा सासयसुहहेउकम्मभूमिवरा । कल्लाणअत्थजणणी खमा सया वच्छ धरियव्वा ॥९३१ ॥ सेसो अमियाहारो होइ दुजीहो वि जं खमाधारो । ईसरहिययाहारो बहुगुणगुरुसीसवित्थारो ॥९३२॥ अहिलसियमणोरहपरंपराएं सुनिच्छलक्खाए । वोढव्वो य महव्वयभारो मुणिवसह ! लीलाए ॥ ९३३॥ गुरुकुलवासे गिरिकंदरम्मि मुणिसीह पइवसंतेण । जेयव्वा लीलाए उवसग्गपरीसहा कलहा ॥ ९३४॥ इय विविहभंगपयभरवेला सुपसायसायरुल्लसिया । गुणया वियर मेहमुणिदस्स जिणसिक्खा" ॥९३५॥ एयाए सिक्खाए पमायविसवेगअमियधाराए । कन्नंजलिपीयाए वि अणमिसनयणा खणं मणुया ॥ ९३६ ॥ मेहकुमारमुणिदो साणंदो जिणविइन्नसिखाए । अभासे थेराणं अह गच्छइ जिणवराणाए ||९३७|| दट्ठूणं चरियाई मेहकुमारस्स साहसवराई । सेणियधारिणिपमुह जहागयं पडिगओ लोगो ॥ ९३८ ॥ अह जहजेट्टं द्वाणग्गहणे संथारस्स रयणीए । सेहस्स वि तो द्वाणं वसहिदुवारम्मि मेहस्स ॥ ९३९॥
१. दुराकर्षं ।
जयन्तीप्रकरणवृत्तिः । गाथा २१३
साहू पविसंताणं निताणं पायघट्टणदुहेण । निद्दासुहं न लद्धं मेहकुमारेण रयणी ॥ ९४० ॥
For Private & Personal Use Only
www.jainelibrary.org
