________________
७७
जयन्तीप्रकरणवृत्तिः । गाथा २३
"वीरजिणो पुणरुत्तं मेहकमारं पवन्नवयभारं । उववूहइ वियरंतो सिक्खं गंभीरवयणेहिं ॥९१५॥ अइधन्नाणं मत्थयचूडामणिविब्भमो सि तं मेह! । जेण पइन्नासारो सहलीकयसयलसंसारो ॥९१६॥ छज्जीवनिकायाणं जइ वि तुमं मेह ! होसि अविरोही । तह वि हु संवेगरसा रक्खिज्जसु कंदलुल्लासं ॥९१७।। कोवदवपसमणेणं अज्जवविज्जप्पइन्नमयगिरिणा । सच्चं किज्जउ तुमए नियनामं मेह ! जिअलोए ॥९१८॥ मेह ! तए कायव्वो तह पयपसरो दिसासु जह कित्ती । केयईवणं व विहसइ दूरुज्जियपरिमलुग्गारो ॥९१९।। पइविसयं सोयाणं सरसपवित्ताण तह तए मेह! । किज्जउ पुट्ठी जह रयकलुसाण न होइ उम्मग्गो ॥९२०॥ तं संवरं करिज्जसु अज्जवबीएण जेण जाएण । मायावंसकुडंगी मूलाओ खिज्जए मेह ।।९२१।। पइवरिसं जइयव्वं तुमए तह मेह पेसरियदएण । पुन्नंकुरोदएणं न लोहजाई वि जहा होज्जा ॥९२२।। सुयसत्थसलिलपुन्नं मेह ! तुमं माणसं तहा कुणसु । गुरुसेवालसकलुसं हविज्ज न जहा वि गंभीरं ।।९२३।। सव्वसमिईसु धीरो रायरिसी तं सि नायपरमत्थो । जीवाण रक्खणेणं परलोयमसंसयं जयसि ॥९२४॥ कलहो जत्थ न हवउ न य पुरगामागरेसु ममकारो । जत्थ न दुग्गाभिगमो न य भंडारो न कुठारो ॥९२५।। जत्थ न विग्गहपोसो गुत्तीसु न जत्थ जीववहबंधो । न करग्गहो न विसयउवयारलेसो वि जत्थत्थि ॥९२६।। निज्जिणिय मोहरायं चित्तं चउरंगदलसमिद्धीए ।
खत्तियवर ! लोगुत्तरसंजमरज्जं तुमं पत्तो ॥९२७॥ १. श्रुतानां पक्षे प्रवाहानां । २. प्रसृतदयेन पक्षे प्रसृतोदकेन । ३. गुरुसेवायामालसकलुषं ।
25
Jain Education International 2010_02
For Private & Personal Use Only
www.jainelibrary.org
