________________
5
10
15
20
25
७६
Jain Education International 2010_02
जयन्ती प्रकरणवृत्तिः । गाथा २/३
इय निक्खमि मेहे रायगिहे रायमग्गमोइन्ने । पासायसिहरसंट्ठियवियड्डतरुणीण संलावो ॥ ९०२ ॥ एवं पसंसिज्जतो संतो दंतो वि दाणपसरेण । गयराओ इव कुमारो पत्तो जिणरायओसरणे ॥९०३॥ सिबियाओ ओर हिउं पंचविहाभिगमपव्वयं अंतो । विसित्तु जिणं वीरं वंदइ तिपयाहिणीकाउं ॥ ९०४|| सह सेणिएण तत्तो वीरं विन्नवइ धारिणी देवी । अम्हाण एस तणओ मेहो निहिक्कसव्वस्सं ॥ ९०५ ॥ तुम्हवयणामएणं अवगयरूवाइविसयविसमुच्छो । पायपएसे तुम्हं संजमरज्जं अहिलसेइ ||९०६ || संसारजलहितरणे अम्हं पि य जेण जाणवत्तं व । सीसत्ता तुम्हं वियरामो तेण नियपुत्तं ॥ ९०७॥ अह मेहकुमारो विय सम्मं वेरग्गमग्गमवइन्नो । विणयपणयंगलट्ठी कयंजली विन्नवइ वीरं ॥ ९०८ ॥ गुणमणिरोहणगिरिवर मह तुह पायप्पसंगरंगस्स । दिज्जउ संजमरयणं भवदोगच्चं हरइ जमिह ॥ ९०९ ॥ भन्नइ जिणेण तत्तो सत्ताहिय सव्वसत्तहियहेउं । गन्हसु एयं विहिणा देवाण वि दुल्लहं रयणं ॥ ९१० ॥ एवं जिणेण वुत्तो हो पुव्वोत्तरम्मि दिसिभाए । तूण पंचमुट्ठि कुइ महप्पा सिरोलोयं ॥ ९११ ॥ हंसपडण केसे नज्जइ मुत्ताहलेहिं पूयंती । अंसूणि मुंचमाणी पडियच्छइ धारिणी देवी ॥ ९९२॥ गुणसायरजिणवीरस्संते गंतूण मेहकुमरो वि । जीवाण जीवणीयं गिन्हइ संजमभरं तत्तो ॥ ९१३|| तो भयवया विभणिओ मेहो लोयाण निव्वुइं दितो । अहुणा तं पणमिज्जसि संजमसिरिपव्वयारूढो ॥ ९९४ ॥
For Private & Personal Use Only
www.jainelibrary.org
