________________
७५
जयन्तीप्रकरणवृत्तिः । गाथा २।३
मद्दवमयंददलिए माणगइंदम्मि दुद्दमे तुज्झ । होउ सुहाणं लाहो निव्विग्धं मुत्तियफलाणं ।।८८९।। आमूलाओ दज्झउ अज्जववज्जासणीनिवाएण । मायावंसकुडंगी सिवपहरोहम्मि गुविलंगी ॥८९०॥ भवचारयम्मि तुट्टउ झडत्ति तुह लोहसंकलाबंधो। संतुट्ठिवज्जलट्ठिप्पहारसयखंडजज्जरिओ ॥८९१॥ एवं आसीसाओ विम्हयकंपंतसेयसीसाओ । महिला मालारूढा वुड्डा वियरंति कुमरस्स" ||८९२॥ उदयगिरिसिहरसरीरं विवेयरविणो रुईहि रमणीयं । पियसहि ! पिच्छसु निऊणं मेहकुमारस्स मणिमउडं ॥८९३।। रयणमयकुंडलाइं इमस्स सम्मं निरिक्खह सहीओ। तिमिरहराणि व्व कन्नावलग्गसिरिवीरवयणाइं ॥८९४॥ सक्खं जिणिंदसिक्खा दक्खा संसारतावहरणम्मि । वसइ हिययम्मि मोत्तियहारमिसेणं पियसहीओ ! ॥८९५।। संवेगमंदरेणं निम्महिए एस भवसमुद्दम्मि । उवसमसुहाए सित्तो नज्जइ चंदणरसालिद्धो ॥८९६।। कुंदकलिउज्जलाई इमस्स अंगम्मि देवदूसाइं । गिहमोहजलहितरणे विलग्गडिंडीरसरिसाइं ॥८९७।। उदंडपुंडरीयं पिच्छह एयस्स भो वयंसीओ । कम्मपरिणामरायं गिज्जिणयं जमिह पिसुणेइ ॥८९८॥ सरइंदुकुंदसुंदरचामरजुयलच्छलेण पयडाइं । पुरओ कयाई इमिणा ज्झाणाई धम्मसुक्काइं ॥८९९॥ सिबियाए चलिआए तारो किकिणिगणाण झंकारो । नेहनिगडाण भंजणरवो व्व उवमिज्जइ सहीओ ! ॥९००॥ जो पुण तूरनिनाओ सो नाओ होउ पियवयंसीओ। भवसिंधुमहणपसरियगहीरघोसु व्व अम्हेहिं ॥९०१॥
15
25
Jain Education International 2010_02
For Private & Personal Use Only
www.jainelibrary.org
