________________
७४
10
जयन्तीप्रकरणवृत्तिः । गाथा २।३ मंगलतूरवेणं तत्तो गयणग्गलग्गसिहराए । मणिखंडमंडिआए कंचणकलसोवसोहाए ॥८७६।। सिबियाए रयणमए विउले सिंहासणे निसन्नस्स । मेहस्स हुंति पुरओ परमा अट्ठट्ठ मंगलया ॥८७७।। पत्ताइपडलगकरा दक्खिणबाहुम्मि धारिणी देवी । मंगलमुहला वामे अन्नाओ ठंति देवीओ ॥८७८।। एगा य पिट्ठओ पुण रूववई छत्तधारिणी तरुणी । उत्तरओ दक्खिणओ सियचामरपाणिकमलाओ ।।८७९।। उक्खित्ता तो सिबिया मणहरनेवत्थरूवरम्मेहिं । उक्किट्ठकलयलेणं सहस्ससंखेहिं पुरिसेहिं ॥८८०।। चउरंगदलसमेओ अमेयरिद्धीए सेणिओ राया। अणुगच्छइ तो मंगलगहीवजंततूरेण ॥८८१|| संवरपरिणामेणं मेहकुमारेण बहुरए हरिए । मुहचंदंचिमाए विप्फुरियं तो किमच्छरियं ? ॥८८२।। "संजमगिरिसिहरट्ठियसमयं दट्टण सव्वभावेसु । गयराओ इव दाणं दितो तं होसि गयराओ ॥८८३।। तवतिव्वखग्गहत्थो अविहत्थो नायसव्वपरमत्थो । जिणिऊण मोहरायं जगपडायं तुमं हरसु ॥८८४॥ सयलकिरियापएसुं काउं पट्ठीए सव्वमुवसग्गं । वक्कविसुद्धिं नाउं सुसाहुसदं पयासेसु ॥८८५॥ परिचत्तलोहबंधं विसिट्ठकट्ठोवओगसंजुत्तं । चारित्तजाणवत्तं आरूढो तरसु भवजलहिं ॥८८६॥ अयले तुमम्मि इंदियदंती विसयाण विसहराणं व । संभवउ दप्पसमणी निद्धसही नागदमणीए ॥८८७॥ संसारे कंतारे उवसमरसपूरपूरिए झत्ति । मेहे तुमम्मि गुणवणदावो कोवो सया समउ ॥८८८।।
15
25
Jain Education International 2010_02
For Private & Personal Use Only
www.jainelibrary.org
