________________
७३
जयन्तीप्रकरणवृत्तिः । गाथा २।३
मेहकमारो पसरं करेइ परमोइयं तह दिसासु । तायंबकयंबाणं जह सोरभो वियंभेइ ॥८६३॥ ता ताय भावजणयो माय तुमं होसु भावजणणि त्ति । भावो भन्नइ होऊ सुसाहुसद्दप्पवित्तीए ॥८६४॥ इय मेहविवेएणं दिणयरकरपसरसरिसभावेणं । पियराण मोहतिमिरं सहस च्चिय दूरमवहरियं" ॥८६५॥ अणुकूलपडिकूलवयणेहि जा न कंपए मेहो । पवणेहि जहा मेरू तो पियराइं पयपंति ॥८६६।। एगदिवसं पि पुत्तय ! इच्छामो वच्छलाई तुह अम्हे । रज्जाभिसेयलच्छीविच्छड्डु पिच्छिउं वच्छ ॥८६७॥ मोणेण ठिए कुमरम्मि रयणकणयाइकलसपन्तीहि । रायाभिसेयमहिमं कुणंति महया पबंधेण ।।८६८।। सिंगारियम्मि लंकारियम्मि सिहासणे निसन्नम्मि । सह परियणेण सेणियनिवेण जोक्कारिए कुमरे ।।८६९।। उम्मुक्ककरपसरो पयडपयावो वि सोममुत्तिधरो । अह तत्थ पुरो जाओ मेहकुमारो महाराओ ॥८७०।। कारागारविसोहणअमारिघोसणपुरस्सरं तत्तो । निक्खमणत्थं विहिणा अभिसेयमहूसवे विहिए ॥८७१।। निज्जियअंतरकरणो फुरंतमणिमउडकुंडलाहरणो । लेसाहि विसुझंतो भवस्स मज्झं च बुझंतो ॥८७२।। सियकुसुमदामधारो कुंदुज्जलदेवदूससिंगारो । विलुलियमुत्ताहारो मेहकुमारो गुणाहारो ॥८७३।। जणणिजणएहि भन्नइ अहुणा तुह पुत्त किं ? पयच्छामो । मेहेणुत्तं कुत्तियआवणओ पत्तरयहरणे ॥८७४।। सिग्घं आणावेउं पत्तेयं ताणि लक्खमूल्लाणि । वियरंति केसकप्पणनहकम्मकरस्स पुण लक्खं ॥८७५॥
20
25
Jain Education International 2010_02
For Private & Personal Use Only
www.jainelibrary.org
