________________
10
जयन्तीप्रकरणवृत्तिः । गाथा २।३ विसएसु व्बूढमणो वसहगई जइ वि तंसि दिढसत्तो । पंचमहव्वयभारं सुरगिरिसारं कहं वहसि ? ॥८५०॥ उत्तमखमाणुगाणं मूलगुणाणं पवड्डमाणाणं । उत्तरगुणपरिवाडी रक्खइ संजमतलं वच्छ ! ॥८५१।। धम्मज्झाणकलाए बद्धं चिय संकलाए धरियव्वं । कविचवलं नियचित्तं पुत्तय ! सासयसुहनिमित्तं ॥८५२॥ वसियव्वं विणएणं गुरुकुलवासम्मि गुणनिवासम्मि । सहियव्वा बावीसं परीसहा दुस्सहाऽवस्सं ॥८५३॥ संसारम्मि समुद्दे पुत्तय ? जलजंतुघट्टणारुद्दे । उच्छलिउक्कलिया हिं बुड्डइ नाव व्व पव्वज्जा ।।८५४।। इय जणणीए वुत्तो मेहकुमारो विवेयसिरिहारो । महुधारामहुराए गिराए भणिउं समाढत्तो ।।८५५॥ लहुकम्माण जीयाणं जिणिंदवयणामएण सित्ताणं ।
सत्ताणं माय ! इमं चरणं सिवलच्छिवरणं व ॥८५६॥ अन्नं च
"तिणसंथारमुवन्नो वि मुणिवरो भट्टरायमयमोहो । जं पावइ मुत्तिसुहं कत्तो तं चक्कवट्टी वि" ॥८५७॥ [ ] वीरजिणेणं जेणं वामपयग्गेण चालिओ मेरू । मह तस्स पसाएणं चरणभरो सुव्वहो होही ॥८५८॥ तं नत्थि जं न सिज्झइ साहसवंताण धीरपुरिसाण ।
ववसाएक्करसाणं वसिदियाणं थिरमणाणं ।।८५९।। भणियं च
"थरहरइ धरा खुब्भंति सायरा होइ भिंभलो दिव्यो ।
असमववसायसाहससंलद्धजसाण धीराणं" ॥८६०॥ [ ] "ता तुंगो मेरुगिरि मयरहरो ताव होइ दुत्तारो । ता विसमा कज्जगई जाव न धीरा पवज्जंति" ॥८६१॥[ ] वीरजिणिंदे निज्जामयम्मि सुहभावगज्जगपवाए ।
चारित्तजाणवत्तं भवन्नवं तारइ अविग्धं ॥८६२।। १. विह्वल । हे. २, ५८; ९०; ॥
15
25
तहा
Jain Education International 2010_02
For Private & Personal Use Only
www.jainelibrary.org
