________________
७९
10
जयन्तीप्रकरणवृत्तिः । गाथा २।३
गीयाण वि थविराण वि कह मोहो? मेहसेहवच्छल्ले । सुज्झंतु च्चिय थेरा करेऽक्खमालं धरइ अहवा ॥९४१॥ अब्भाहओ दुहेणं पच्छिमरयणीए चिंतए मेहो । मह गेहे च्चिय गमणं जुत्तं अचिरुग्गए सूरे ॥९४२॥ जं एए मुणिवसहा गउरवमकरिंसु मह गिहावासे । वयभारे अइगुरुए चोज्जं लहुयत्तणं जायं ।९४३॥ इय मेहे कसिणमुहे कलुसीकयसंवरेण पसरंती । उक्कलियाओ वियरइ अणवरयं निन्नया चिंता ॥९४४॥ कह उग्गयम्मि सूरे मेहे काउं व सुपरिवेससिरिं । सो पत्तो उज्जाणे जयगुरुजिणवीरओसरणे ॥९४५।। भत्तीए वंदित्ता मेहकुमारो मुणी समासणो । आलविओ य जिणेणं सुहाभिसित्ताए वाणीए ॥९४६।। सोम ! तुमं रयणीए वसहिदुवारम्मि भूमिसयणीए । अइसंकडम्मि वुच्छो मुणिण पयघट्टणादुत्थो ॥९४७।। मेहमुणिंद ! तुहंगे साहुपएहिं न एस पडिघाओ । अंतरमलहरणेहिं पैएहिं तं किंतु सुण्हाओ ॥९४८।। "इमं सरीरं अन्नो जीवु त्ति एव कयबुद्धी । दुक्खपरिक्वेसकरं छिंद ममत्तं सरीराओ" ॥९४९॥ [ ] पुव्वभवे करुणाए सरणागयवच्छल्लेण धीरत्तं । मेह ! तए जं धरियं तमिह कहं सोम ! परिहरियं? ॥९५०॥ जिणवयणामयसित्तो पच्चागयचेयणुल्लसियचित्तो । रोमंचंचियगत्तो मेहमुणी पुच्छए तत्तो ॥९५१॥ केवलनाणदिवायर ! उज्जोइयसयलतियणाभोय !। पुव्वभवे मह जाओ कहमिव धीरत्तणाभोओ ॥९५२॥ अह भणइ जिणवरिंदो चंदो इव सयलजणमणाणंदो । मेहमुणि ! पुव्वजम्मव्वइयरमेयं सुणसु सम्मं ॥९५३।।
15
किञ्च
20
25
१. जलैः । Jain Education International 2010_02
For Private & Personal Use Only
www.jainelibrary.org
