________________
६४
10
जयन्तीप्रकरणवृत्तिः । गाथा २।३ विहरामि काणाणाईसु फलाई पुप्फाई मंजरिदलाई । लिंती अग्घायंती देन्ती न्हंती य खायंती ॥७५३॥ एसो मे डोहलओ सहलो होहि त्ति ? कहमघडमाणो । चिंतापिसाइयाए तो देवी दुब्बला जाया ॥७५४।। तो संभमेण राया पुच्छइ तं अमियमहुरवाणीए । ससिकंतमणिदेसासुं..............अणवरयं ॥७५५।। निब्बंधेण कहिए डोहलए नरवरेण संठविया । तह देवि ! जइस्सामो जह पुन्नमणोरहा होसि ॥७५६॥ रन्ना अभयकुमारो आइट्ठो बुद्धिसागरो तत्तो । नियचुल्लमाउयाए पूरेसु मेहाण डोहलयं ॥७५७।। पोसहसालं गंतुं पोसहजुत्तेण अट्ठमतवेण । भूसेज्जाए सुमरइ सो य पुरा संगयं देवं ॥७५८॥ तवपज्जंते तत्तो धणु व्व मणिभूसणाण किरणेहिं । विरइयसुरिन्दचावो देवो अभयंतियं पत्तो ।।७५९॥ जंपइ अभयकुमारं केण निमित्तेण एगचित्तेण । सोम ! सरिओऽम्हि तुमए ? कहेह साहेमि तं कज्ज ॥७६०।। अभओ पभणइ सुरवर ! जणणीए मं समुद्दमइरित्तं । मेहमणोरहपूरणकए समुल्लासए राया ॥७६१।। अभयेणेवं वुत्तो देवो मित्तो पयावसंजुत्तो । सिग्धं वासारत्तं घणाघणेहिं घणं कुणइ ॥७६२॥ निवडंतवारिधाराणुगारिहारावलीहिं रुइरंगी । नानाविहमणिभूसणकिरणगणुल्लासियसूरचावा ॥७६३॥ उन्नयगयगयणगया तडितरलफुरंतसुहडकरवाला । इंतबलाहयउज्जलढलंतसियचामरुप्पीला ॥७६४।। उज्जियगज्जियगंभीरतूरनिग्घोसपूरियदियंता । लोलब्भपडलविब्भमपवणद्भूयधयवडाडोवा ॥७६५।।
25
Jain Education International 2010_02
For Private & Personal Use Only
www.jainelibrary.org
