________________
जयन्तीप्रकरणवृत्तिः । गाथा २।३
चउरंगदलसमेया धारिणी देवी इओ तओ तत्तो । जंगमपाउ सलच्छी विहरइ धरणीए सच्छंदं ॥७६६॥ इय पुन्नडोहला सा हट्ठा तुट्ठा वहेइ ता गब्भं । वेज्जोवइट्ठहियमियआहारेहिं कयणुकंपा ॥७६७॥ अद्धट्ठदिवससाहियनवमासेसुं पसत्थलग्गम्मि । उच्चट्ठाणट्ठिएसुं सुहकरणतिहिजोगे ॥७६८॥ जो गयणट्ठवियपाओ ट्ठिओ ससंको दयाए गयराओ । पुव्व व्व दिसा सोमं तं देवी पसवए पुत्तं ॥७६९॥ तं दटुं देवीए सुवन्नलावन्नसलिलसरसीए । जाओ सहसोरब्भो पमोयचंदुज्जुयवियासो ॥७७०॥ देवीसहीजणाणं चउरचउरीगणाण दिट्ठीओ। अमिएण व भरियाओ इमस्स पसरंतकंतीए ॥७७१।। अंगपरिचारियाओ तुरियं गंतूण सेणियं रायं । वद्धावेंति जएणं देवीए पुत्तजम्मेण ॥७७२।। सम्माणिऊण वत्थाइएहि पुत्ताणुपुत्तियं वित्तिं । तो धोयमत्थयाणं ताणं कप्पेइ निवचंदो ॥७७३॥ कारागारविसोहणमारिनिवारणजहिच्छदाणेहि । बद्धावणयं कारइ उद्धपडायम्मि नयरम्मि ॥७७४॥ बारसदिणावसाणे कयम्मि सयणाइयाण सम्माणे । मेहकुमारु त्ति इमं नामं पियराई कुव्वंति ॥७७५।। देहोवचएणेसो पडिवयचंदो व्व दिव्वकंतीए । वट्टइ नयणाणंदो पंचहिं धाईहिं परियरिओ ॥७७६।। अइपुन्नपगरिसएण अट्ठमवरिसेण तेण कुमारेण । दाणविणयायरेणं सयलकलामंडलं गहियं ॥७७७॥ अह फुल्लरायचंपयपयासपसंरततणुरुइकलावे ।। अंतोनिलीणमहुयरकेयईदलदिट्ठिललियम्मि ॥७७८॥
Jain Education International 2010_02
For Private & Personal Use Only
www.jainelibrary.org
