Page Text
________________
परिशिष्टम् - २, आवश्यकचूर्णिगतध्यानस्वरूपम् ।
तेजोपम्हासुक्कालेसाओ तिण्णि अण्णतरिगाओ । उववातो कप्पतीते कप्पंमि व अण्णतरगंमि ।। ८ ।। धम्मज्झाणं झियायंतो, सुक्कलेसाए वट्टती । विक्किट्ठगंमि ठाणंमि, सचरित्ती सुसंजतो ।। ९ ।। एवं पम्हालेसाए मज्झियगंमि ठाणंमि, तेऊलेसाए कणिट्ठगंमि ठाणंमि । कोवनिग्गहसंजुत्तो, सुक्कलेसाणुरंजितो, धम्मझाणं झियायंतो, देवयत्तं निगच्छति ।। १० ।। त्ति । एवं माणमायालोभनिग्गहेऽवि, एवं पम्हाएवि, तेऊएवि लेसाए । इमाओ पुण से चत्तारि अणुप्पेहाओ, तं० अणिञ्चताणुप्पेहा एवं असरणता०, एगत्ता०, संसाराणुप्पेहा।
संसारसंगविजयनिमित्तमणिञ्चताणुप्पेहमारभते, एवं धमे थिरतानिमित्तं असरणगत्तं, संबंधिसंगविजयाय एगत्तं, संसारुद्वेगकारणा संसाराणुप्पेहं । ___ लक्खणाणि इमाणि चत्तारि-आणारुई, निसग्गरुई, सुत्तरुई, ओगाहरुई । आणारुई-तित्थगराणं आणं पसंसति, निसग्गरुई- सभावतो जिणप्पणीए भावे रोयति, सुत्तरुई-सुत्तं पढंतो संवेगमावज्जति, ओगाहणारुईणयवादभंगगुविलं सुत्तमत्थतो सोतूण संवेगमावन्नसद्धो झायति ।
आलंबणाणि च से चत्तारि, जथा-विसमसमुत्तरणे वल्लिमादीणि, तंजथा-वायणा, पुच्छणा, परियट्टणा, अणुप्पेहा । धम्मकहा परियट्टणे पडति । एवं विभासेज्जा ।।।
इदाणिं सुक्कं, सुक्के चतुविधे चउप्पडोयारे पण्णत्ते-१-पुहत्तवितक्के सविचारे, २-एगत्तवितक्के अविचारे, ३-सुहुमकिरिए अणियट्टी, ४-समुच्छिण्णकिरिए अप्पडिवाई ।
सुत्तणाणे उवउत्तो अत्थंमि य वंजणमि सवियारं । झायति चोद्दसपुव्वी पढमं सुक्कं सरागो तु ।। १।। सुत्तणाणे उवउत्तो अत्यंमि य वंजणंमि अवियारं । झायति चोद्दसपुची बीयं सुकं विगतरागो ।। २ ।।. अत्थसंकमणं चेव, तहा वंजणसंकमं । जोगसंकमणं चेव, पढमे झाणे निगच्छति ।। ३ ।। अत्थसंकमणं चेव, तहा वंजणसंकमं । जोगसंकमणं चेव, बितिए ज्झाणे वितक्कती ।। ४ ।। जोगे जोगेसु वा पढमं, बीयं योगंमि कण्हुयी । ततियं च कायिक जोगे, चउत्थं च अजोगिणो ।। ५ ।। पढमं बीयं च सुक्कं, झायंती पुव्वजाणगा । उवसंतेहिं कसाएहिं, खीणेहि व महामुणी ।। ६ ।। बीयस्स य ततियस्स य अंतरियाए केवलनाणं उप्पज्जति । दोण्णी सुत्तणाणीगा झाणा, दुवे केवलणाणिगा । खीणमोहा ज्झियायंती, केवली दोण्णि उत्तमे ।। ७ ।।
सिज्झितुकामो जाहे कायजोगे निरुभती ताहे, तस्स सुहुमा उस्सासनिस्सासा, तत्थ य दुसमयट्ठितियं परमसातं इरियावधियं कम्मं बज्झति, तत्थ ततियं सुहुमकिरियं अणियट्टीझाणं भवति जोगनिरोधे कते पुव्वपयोगेणं, चउत्थं समुच्छिन्नकिरियमप्पडिवादि झाणं णाणाठाणोदयं जथा तथा झायति, अहवा कुलालचक्केण
Jain Education International 2010_02
For Private & Personal Use Only
www.jainelibrary.org
| SR No. | 002560 |
| Book Title | Dhyanashatakam Part 2 |
| Original Sutra Author | Jinbhadragani Kshamashraman, Haribhadrasuri |
| Author | Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 350 |
| Language | Sanskrit, Hindi, Gujarati |
| Classification | Book_Devnagari & Yoga |
| File Size | 19 MB |