________________
10
तृतीयं धर्मगुणद्वारम्
तस्स गिहे छस्संखा, निहीकयाओ सुवन्नकोडीओ । छ कलंतरदिन्नाओ, छप्पुण ववसायखित्ताओ ॥७॥ एवं सो अट्ठारस-सुवन्नकोडीण कुणइ सामित्तं । रन्नो य मन्नणिज्जो, सयकालं परममितु व्व ॥८॥ तस्स वया छस्संखा, पत्तेयं गोसहस्सदसजुत्ता ।। खीरेण जेसि नज्झइ, तग्गेहठिउ व्व खीरोओ ॥९॥ तस्स य पंच सया, खित्तेसु वहंति लंगलाण सया । स पसिद्धो किसिसिद्धो, गाहावइनामरयणं व ॥१०॥ छच्चेव पवहणाई, पच्चक्खाणी व तस्स पुन्नाई । आणंति सया लच्छि, रयणायरपरतडाओ वि ॥११॥ पंचसया सगडाणं, भमंति नाणाविहेसु देसेसु । परपडिबोहकयाणग-लाभकए जिणमुणिगणु व्व ॥१२॥ "अह अन्नदिणे सामी, देवासुरपरिवुडो जिणो वीरो । पत्तो तीइ पुरीए, ठिओ य ईसाणदिसिभाए ॥१३॥ तत्तो वाउकुमारा, असुहं तणयकवराइ अवणंति । खित्ते जोयणमित्ते, तरुकूवाई तिरोहंति ॥१४॥ मेहकुमारा य तओ, पवणुद्धयरेणुनासणं सुरहि । कुव्वंति तत्थ तुट्ठा, गंधोदयसीयंरक्खेव ॥१५॥ तयणु उउदेवयाओ, सव्वत्तो सुरहिपंचवन्नाण । वुढेि कुणंति कुसुमाण, अहोबिंटाण आजाणुं ॥१६॥ अह आइमसुरकप्पो-ववन्नदेवेहिं रयणपायारो । निम्मविओ तत्थ लहुं, रोहणगिरिसिंगमिव तुंगो ॥१७।। बीओ जोइसिएहिं, वरकणयमओ विउव्विओ तत्थ । दटुं जिणिदरिद्धि, समागओ कंचणगिरि व्व ॥१८॥ तइओ भुवणवईहि, रुप्पमओ तत्थ निम्मिओ सालो । संखिदुकुंदधवल-तणेण तुहिणायलसमाणो ॥१९॥
25
Jain Education International 2010_02
For Private & Personal Use Only
www.jainelibrary.org
