________________
श्रीधर्मविधिप्रकरणम् दट्ठण तिजयनाहं, मउडीकयकरजुओ विहसियक्खो । जयजयरवं कुणंतो, सामिसमीवम्मि संपत्तो ॥३५५॥ तिपयाहिणीकरेउं, पंचंगं पणमिउं च तिजयगुरुं । संथुणइ भत्तिसारं, एगग्गमणो पुरो होउं ॥३५६॥ उचियम्मि भूपएसे, आसीणो सुणइ सामिवक्खाणं । सवणजुयलंजलीहिं, कुव्वंतो अमयपाणं व ॥३५७॥ अह भणइ नाह ! दिक्खं, गिन्हिस्से काउ रज्जसुत्थमहं । सामी जंपइ नरवर !, मा पडिबंधं करेसु त्ति ॥३५८॥ तो पणमिऊण सामि, अत्थाणे आगओ विचितेइ । कह आभीइकुमारं, ठवेमि रज्जम्मि सारंभे ॥३५९।। जेणेस पत्तरज्जो, बहुपावारंभपरिगओ अहियं । माणुस्सभोगलुद्धो, भमिही भीमे भववणम्मि ॥३६०॥ ता भायणिज्जमेयं, केसिकुमारं ठवेमि रज्जम्मि । चिट्ठउ जुवरायपए , आभीई कुमर(केसि)भत्तीए ॥३६१॥ इय नियमणम्मि चिंतिय, उदायणो तक्खणेण नियठाणे । ठवेइ भायणिज्जं, सुयम्मि संते वि रज्जखमे ॥३६२॥ सामंतमंतिपमुहे, सव्वे वि जहट्ठिईइ ठविऊण । दाणं दाउं चलिओ, वयगहणत्थं महिड्डीए ॥३६३।। गंतूण समवसरणे, विहिणा सिरिवीरपउमहत्थेण । पडिवज्जइ पव्वज्जं, उदायणो चरमरायरिसी ॥३६४॥ तत्तो जिणआणाए, पासम्मि सुहम्मसामिणो स मुणी । गहणासेवणरूवं, सिक्खं विणएण गिन्हेइ ॥३६५॥ इक्कारस अंगाई, अप्पदिणेहिं पि पढइ स महप्पा । तो सुत्तत्थविहिन्नू , कमेण जाओ स गीयत्थो ॥३६६॥
15
20
१. थोवदिणेहिं, प्रत्यन्तरे।
Jain Education International 2010_02
For Private & Personal Use Only
www.jainelibrary.org
