________________
द्वितीयं धर्मलाभद्वारम्
दासमिव अंकिऊणं, पज्जोयं धरणगम्मि काऊण । वीयब्भयनयरेसो, संपत्तो नयरिमुज्जेणिं ॥३१६॥ दासी सुवन्नगुलिया, पलाइया तक्खखेण भयभीया । तत्थठियं तं पडिमं, उदायणो नमइ साणंदं ॥३१७॥ सा निय पुरमाणेउं, गिन्हंते भूवइम्मि न चलेइ । तो भइ नरवई पहु !, किं मह चित्ते दुहा का वि ॥ ३१८ ॥ तत्तो सासणदेवी, पभणइ पडिमातडट्ठिया निवई । तुह मरणे वीयभयं, थगिस्सई पंसुवुट्ठिए ॥३१९॥ तो मज्झ तए नियपुर - नयणम्मि न अग्गहो विहेव्वो । तो सविसेसं तित्थं च पूइउं मुंचइ तहेव ॥ ३२० ॥ अह पज्जोयं गिन्हिय, उदायणो जा नियत्तए ताव । रुद्धो पाउसरिउणा, रिउणा इव अद्धमग्गमि ॥ ३२९ ॥ कुनरिंदस्स व रज्जे, को वि न पहिरइ पहाणवत्थाई । हिंडंति जुन्नवत्था, धणिणो वि हु पाउसे तम्मि ॥३२२॥ वरिसंति रत्तिदियहं, मेहा चिक्खिल्लसंकुला भूमी । दुत्ताराउ नईओ, मग्गेसु न तीरए गंतु || ३२३ || तत्तो उदायणनिवो, नयरं व निवेसिऊण नियसिन्नं । अद्धपहे आवासइ, तप्पुरओ दस नरिंदा वि ॥ ३२४ ॥ तो उक्खदभएणं, सिन्नाण चउद्दिसासु वि महंतो । धूलीमयपायारो, रन्ना काराविओ तत्थ ॥ ३२५ ॥ कारागारठियस्स वि, पज्जोयनिवस्स भोयणाईयं । दावेइ अप्पतुल्लं, उदायो रायनीईए || ३२६ || अह पज्जूसणपव्वे, पत्ते उववासिओ निवो जाओ । तो तस्साएसेणं, सूयारो भइ पज्जोयं ॥ ३२७॥ भो ! नरवर ! तुज्झ कए, करेमि किं भोयणं ति सो आह । सूयार ! कीस भोयण - मापुच्छिज्जामि अज्ज अहं ? || ३२८ ॥
Jain Education International 2010_02
For Private & Personal Use Only
५३
5
10
15
20
25
www.jainelibrary.org
