________________
5
श्रीधर्मविधिप्रकरणम् इत्थंतरे उदायण-निवो विचिंतित्तु बहुजणाण खयं । करुणाए पभणावइ, इय दूयमुहेण पज्जोयं ॥३०३॥ निव ! एसो निद्रूसण-जणक्खओ मज्झ तुज्झ य विरोहे । रयगस्स आउयखए , रासहमच्चु व्व न हु जुत्तो ॥३०४।। तम्हा निव ! इक्कंगा, सुहडेहिं परिमिएहिँ जुत्ता वा । आरूढा वा तुल्लट्ठिईइ वयमेव जुज्झामो ॥३०५॥ तो पज्जोओ जंपइ, रहवरचडियाण होउ संगामो । पहसमए अम्हाणं, अह तं दूओ कहइ पहुणो ॥३०६॥ तत्तो उदायणनिवो, संनहिउं रहवरम्मि आरूढो । पयडपयावो पत्तो, पहसमए गिम्हतवणु व्व ॥३०७॥ रहआरूढेण मए , नूणमजेओ उदायणो रहिओ। इय अनलगिरिकप्पिय-रहचडिओ एइ पज्जोओ ॥३०८॥ दह्रण गयारूढं, पज्जोयमुदायणो भणइ पाव ! । जइ वि तमसच्चसंधो, तहा वि ते नत्थि मुक्खु त्ति ॥३०९॥ इय जंपिऊण धणुगुण-टंकारसरेण तक्खणं चेव । सो सिंहनिनाएण वि, खोहइ पज्जोयनिवहत्थि ॥३१०॥ मंडलियावत्तेणं, वाहेई नियरहं च वेगेण । तस्स रहं अणुलग्गो, भमेइ पज्जोयहत्थी वि ॥३११॥ जं जं उक्खिवइपयं, हत्थी तं तं उदायणनरिंदो । सूईमुहबाणेहिं, विधेई सद्दवेहि व्व ॥३१२॥ तूणेहि व चरणेहिं, बाणावलिपूरिएहिँ सो हत्थी । संकमिउं असमत्थो, पडिओ वज्जाहउ व्व गिरी ॥३१३॥ तत्तो उदायणनिवो, पज्जोयं गिन्हिऊण केसेसु । बंधइ चिरोवलद्धं, पडिमादासीणं तं चोरं ॥३१४।। दासीवइ ति तत्तो, विलिहइ अंकक्खराणि तब्भाले । विहिलिहियअक्खराणं, उवरि अवरु व्व एस विही ॥३१५॥
25
___Jain Education International 2010_02
For Private & Personal Use Only
www.jainelibrary.org
