________________
5
10
15
20
25
५०
Jain Education International 2010_02
श्रीधर्मविधिप्रकरणम्
रे ! रे ! निउत्तपुरिसा !, जयढक्कं सिग्घमेव वाएह । जेण मुणंति नरिंदा, चलियं मं विजयजत्ताए ॥ २७७॥ भो ! भो ! गयआरोहा !, पउणी कारेह कुंजरघडाओ । मस्साणियाह (आस्साणिया ! हि) तुब्भे, सज्जेह तुरंगघट्टाई ॥२७८॥ सन्नहह सुहडसत्था !, रहिया ! पउणी करेह रहनिवहे । कडयारक्ख ! तुमं पि हु, आवासे दावसु बहिं च ॥ २७९ ॥ इय नियसामिसरूवं, लद्धूणं ते पसायमिव मुत्तुं । सव्वे तह त्ति कुव्वंति, सिद्धपुरिसोवएस व ॥ २८०॥ अह सो उदायणनिवो, कयजिणवरसाहुवग्गपयपूओ । नीसेसदोसरहिए, दिवसम्मि पयाणयं कुणइ ॥२८१ ॥ पच्चक्खा दिसिपाला, इव अवरे मउडबद्धरायाणो । दसदिसिपसरियजससो, दससंखा तेण सह चलिया ॥ २८२ ॥ तम्मि चलंते करिमय- सित्ताइ महीइ तुरगरवुरसेणी । लिहिया रिऊण विजए, मंती ठक्कारपंति व्व ॥ २८३ ॥ आसासिंतो पुहविं, रक्खंतो सरणमागए लोए । नासंतो देसेसुं, उवद्दवं चोरचरडाण ॥२८४|| निवईण पाहुडाई, ठाणे ठाणम्मि सो पडिच्छंतो । वच्चइ निवनीईए, खत्तियधम्मु व्व पच्चख्ख ॥ २८५॥ इत्थंतरम्मि पत्तो, गिम्हरिऊ जत्थ कुनिव इव सूरो । चंडकरेहिं संता - कारओ सयललोयाणं ॥ २८६॥
दट्ठूण सिन्नलोयं, पडियं छायासु जरियदेहं व । वेयल्लफुल्लनियर- च्छलेण हसइ व्व गिम्हरिऊ ॥२८७॥ संताविउं समत्थो, लोयं सिसिरोवयारदुल्ललियं । अवलोयइ कुविओ इव, पाडलकुसुमारुणच्छीहिं ॥२८८॥ पज्जलिररविहुयासे, भुवणागारम्मि लूयधमणीहिं । अयगोलु व्व धमिज्जइ, गिम्हेणं सिन्नजणनिवहो ॥ २८९॥
For Private & Personal Use Only
www.jainelibrary.org
