________________
द्वितीयं धर्मलाभद्वारम्
दंसेमि चलसु सिग्धं ति, जंपिउं थंभिउं च रायसहं । सो एगागिं नेई, निवई मंति व्व मंतकए ॥२१२॥ तो नयरबहिं नेऊण, भूवई निययदेवसत्तीए । दंसेइ तावसासम-मपुव्वआरामरमणीयं ॥२१३॥ तुट्ठो मणम्मि राया, अह तं दद्रुण परममित्तं व । चिंतइ आसममेयं, गुरुणा हं आणिओ अज्ज ॥२१४॥ भोयणदाणाईहिं , नच्चिं सम्माणिया मए एए । ता चिरसित्ता तरुणो, इव पूरिस्संति फलवंछं ॥२१५॥ इय चितंतो हियए, उदायणो आगओ तमारामं । पहिउ व्व परिस्संतो, तरुछायाए ठिओ जाव ॥२१६॥ ता सव्वे समकालं, तवस्सिणो तस्स तक्करस्सेव । उप्पाडिऊण लउडे, पहाविया कुट्टणकएण ॥२१७॥ तो राया कट्टेणं, हा कि एयं ति तेसि भयभीओ। जमदूयाण व नट्ठो, कंपंतो सीयभिन्नु व्व ॥२१८॥ नासंतेण य पुरओ, दिट्ठा मुणिणो पसंतमुत्तधरा । रक्खह ममं ति भणिरो, अह तेसिं समागओ सरणं ॥२१९॥ मा भायसु त्ति तेहिं, पढमं आसासिओ निवो तत्थ । जाओ सत्थसरीरो, मयाय ते तावसा वलिउं ॥२२०॥ अह चिंतइ नरनाहो, इत्तियकालं इमेण दंभेण । एएहिं तावसेहि, हंहो मुसिओ अयाणु व्व ॥२२१॥ तो तावसेसु राया, विरत्तचित्तो भणेइ ते मुणिणो । भयवं अज्ज इमाणं, छूट्टो हं तुम्ह सरणेण" ॥२२२॥ "भणियं मुणीहिँ नरवर !, तुह अम्हाणं पि इत्थ जियलोए । इहपरभवभीयाणं, सरणं जिणधम्म एव जओ ॥२२३॥ नियनियकम्मवसेणं, जीवाणं दुक्खमणुहवंताणं । मुत्तुं जिणिंदधम्मं, नन्नो सरणं तिहुयणे वि ॥२२४॥
15
25
Jain Education International 2010_02
For Private & Personal Use Only
www.jainelibrary.org
