________________
३७
द्वितीयं धर्मलाभद्वारम्
पिक्खेइ तम्मि वहणे, सुमरंतं इट्ठदेवयं लोयं । भयकंपिरसव्वंगं, जममुहकुहरम्मि पडियं च ॥१०८॥ मासछगं संजायं, एयस्सावत्तमज्झपडियस्स । इय ओहिणा वियाणिय, वणियजणं जंपए देवो ॥१०९॥ जाइस्सह कत्थ तुमे, ते वि हु जंपंति तं सुरं दटुं । दीणत्तं पयडंता, मउलीकयपाणिणो एवं ॥११०॥ सामि ! समुद्धरसु तुमं, इमाउ आवत्तअंधकूवाओ । कुलदेवय व्व संपइ, पुन्नेहिं देव ! दिट्ठो सि ॥१११॥ ता काऊण पसायं, कुणसु दयं देसु जीवियं अम्ह । पावेसु सिंधुसोवीर-मंडणं वीअभयनयरं ।।११२॥ ता मा भायह मा भायह त्ति, भणिरो स वंतरो भणई । एसो हं तुज्झ लहुं, पावेमि समीहियं ठाणं ॥११३॥ अह सो उप्पायकरं, सुरिं निवारे वि वहणनाहस्स । अप्पइ समुग्गयं तं, ओसहमिव रक्खणट्ठाए ॥११४॥ भणइ इमं अप्पिज्जसु, तत्थ तुमं उदयणस्स वीयभए। कहिऊण इत्थ चिट्ठइ, पडिमा देवाहिदेवस्स ॥११५॥ इय वुत्तूण अदंसण-पत्ते देवम्मि तप्पभावाओ । उप्पइउं तक्खणेणं, वीयभए पवहणं पत्तं ॥११६।। उत्तरिउं पोयाओ, पोयवई जाइ निवइअत्थाणे । तं सव्वं वुत्तंतं, सकोउगं कहइ य निवस्स ॥११७॥ विन्नवइ य नरकुंजर !, सुरदिन्नसमुग्गयस्स रम्मस्स । वेलाकूलम्मि सयं, आगच्छह दसणट्ठाए ॥११८॥ तत्तो तावसभत्तो, सो निवई तावसे पुरो काउं । देवाहिदेवपडिमा-विलोयणत्थं लहुं पत्तो ॥११९॥ संजत्तिएण तत्तो, वेलाकूलम्मि उदयणनिवस्स । सो सव्वस्सं व नियं, समुग्गओ ढोइओ पुरओ ॥१२०॥
15
25
Jain Education International 2010_02
For Private & Personal Use Only
www.jainelibrary.org
