________________
10
श्रीधर्मविधिप्रकरणम् अवियारयम्मि कज्जे, सहस च्चिय जे नरा पयर्टेति । डझंति ते वराया, दीवसिहाए पयंगु व्व ॥१६॥ ता नाह तुज्झ रिद्धी, दिट्ठा नायं च धम्मफलमेयं । संपइ जं करणिज्जं, गुरु व्व तं कहसु पसिऊण ॥९७॥ नायलसुरेण भणियं, न हु विरई होइ भद्द ! देवाणं । ता संपइ सम्मत्तं, (गिन्हसु जिणधम्मसव्वस्सं ॥९८॥ "अरिहं देवो गुरुणो, सुसाहुणो तेहिँ भासिओ धम्मो । इय सम्मत्तं चित्ते, धरसु तुमं सिद्धमंतं व ॥१९॥ अन्नं च तुमं कारसु, संपइ विहरंतवीरजिणपडिमं । जेण थिरं सम्मतं), तुह होइ भवंतरे वि जओ ॥१००॥ जो कारवेइ पडिमं, जिणाण जियरागदोसमोहाणं । सो पावइ अन्नभवे, सुहजणणं धम्मवररयणं ॥१०१॥ दालिदं दोहग्गं, कुजाइकुसरीरकुमइकुगईओ । अवमाणरोगसोगा, न हुंति जिणबिंबकारीणं ॥१०२॥ पूइज्जइ जिणपडिमा, निच्चं भव्वेहिँ जेहिँ कारविया । वड्डइ तस्स पुन्नं, कलंतरेणेव धननिवहो" ॥१०३॥ इय कहिउं कयजत्तो, पत्तो नाइलसुरो सट्ठाणम्मि । एसो वि हु जिणधम्मं, चिंतारयणं व गिन्हेइ ॥१०४॥ तत्तो महहिमवंते, गंतुं गोसीसचंदणं छित्तुं । निम्मवइ तेण पडिमं, अप्पडिमं वीरनाहस्स ॥१०५॥ अह तक्खणं पइट्ठिय, विभूसिउं पूइडं च तं पडिमं । गोसीसचंदणमए , खिवइ निहाणं व संपुडए ॥१०६।। अह तं गिन्हिय चलिओ, पिक्खइ जलहिम्मि पवहणं एगं । आवत्तेण भमंतं, कुलालचक्कं व्व गयणत्थो ॥१०७॥
15
१. (गिन्हसु, इत्यादित: जेण थिरं सम्मतं । २). इति पर्यन्तं पाठः प्रत्यन्तरे न दृश्यते ।
Jain Education International 2010_02
For Private & Personal Use Only
www.jainelibrary.org
