________________
10
द्वितीयं धर्मलाभद्वारम्
अह सो तिगरणसुद्धो, गुरूवएसेण तह वयं चरइ । जह केवलिणो वि तया, धुणंति सीसं किमन्नेसि ॥८३।। तो कमसो कालगओ, विहिणा आराहणं विहिय एसो । इंदसमाणो देवो, अच्चुयकप्पम्मि संजाओ ॥८४॥ अह अन्नदिणे अट्ठम-दीवे नंदीसरम्मि रम्मम्मि । जिणचिइयजत्ताए, देवा सव्वे वि संचलिया ॥८५।। तो सुन्नयारदेवो, स विज्जुमालि त्ति नामधेएण । नाऊणं जिणजत्तं, हासपहासाहिँ इय भणिओ ॥८६॥ नंदीसरम्मि सामिय ! चलिएसु सुरेसु अम्ह गीयम्मि । अहिगारो अत्थि सया, तुह पडहगताडणम्मि पुणो ॥८७॥ तो भणइ विज्जुमाली, पडहां न खिवामि कहवि कंठम्मि । देवीइ पुणो भणियं, न चलइ एसा ठिई तुज्झ ॥८८॥ तो तस्स गले पडहो, बलावि ओलंबिओऽभिओगि त्ति । तं वायंतो वच्चइ, उग्घोसंतो व्व नियखेयं ॥८९॥ दिट्ठो नायलदेवेण, जंपिओ पुव्वमित्तनेहेण । सो तस्स दित्ततेयं, न सहेई चक्खुरोगि व्व ॥९०||. अह तेण नियं तेयं, संहरिऊणं पयंपिओ एसो । किं भो ! ममं वियाणसि, न व त्ति सो अह पयंपेइ ॥११॥ सक्काईए देवे, तुब्भे जाणामि कि पि न य अन्नं । अह सो नागिलरूवं, दंसेउं कहइ वुत्तं तं ॥९२।। तं नाऊणं एसो, कुमारनंदी सुरो पयंपेइ । पच्छुत्तावपलित्तो, तप्पयपउमेसु पडिऊण ॥९३॥ जं सामि मए तइया, मित्तस्स वि तुज्झ लंघियं वयणं । तस्स फलं मह हियए, झुल्लह पडहगमिसेण इमं ॥१४॥ अन्नाणपरवसेहिं, कीड़ अवियारिऊण जं कज्जं । तं पच्छा परिणामे, सल्लइ सल्लं व हिययम्मि ॥१५॥
15
25
Jain Education International 2010_02
For Private & Personal Use Only
www.jainelibrary.org
