________________
३४
10
श्रीधर्मविधिप्रकरणम् किं च जिणधम्मलवओ वि, जाउ लब्भंति अमररमणीओ । हासपहासा, तासिं पुरओ दासि व्व नज्जति ॥७०॥ ता मित्त ! चइसु एयं, रणं व अन्नाणमरणकुग्गाहं । मा गच्छसु जमनयरं, पडिओ जलणे पयंगु व्व" ॥७१॥ पडिबोहिओ वि एवं, हिएसिणा नागिलेण सो कामी । काउं नियाणबंधं, पडिओ पज्जलियजलणम्मि ॥७२॥ उच्छलिरचियानलबहल-धूमनिवहेण अंतरिक्खं व । सुयणजणो से जाओ, सोएणं सामलच्छाओ ॥७३॥ इमिणा भत्ता चत्ता, पंचसई कुमइणा कलत्ताणं । ता एस न उण गम्मो, इय पाणेहिं पि परिचत्तो ॥७४॥ मरिउं वंतरदेवो, हासपहासाण पिययमो जाओ । अन्नाणीण वि कटेण, वंतरत्तं हवइ जम्हा ॥७५॥ रज्जुग्गहणे विसभक्खणे य, जलणे य जलपवेसे य । मरिऊण वंतराओ, हविज्ज जइ सोहणं चित्तं ॥७॥ "नागिलसको वि इमं, दटुं अन्नाणविलसियं तस्स ।
चेयणगहिउ व्व नरो, संपत्तो परमनिव्वेयं ॥७७॥ चिंतइ ही जडमइणो, अन्नाणा विसयसुक्खलवलुद्धा । जलहिं तरंति जलणं, विसंति विमुहा सिवसिरीए ॥७८॥ राइमई दट्टणं, जं रहनेमी वि नेमिणो बंधू । पत्थेइ विसयसुक्खं, कित्तियमित्तो नरो अन्नो ॥७९॥ अहवा विसयासत्तं, एयं सोएमि कह न अप्पाणं । पिक्खइ जणो जलंतं, सेले न हु पायमूलम्मि ॥८०॥ आजम्माओ जिणमय-कुसलो वि हु सगिहकज्जउज्जुत्तो । जं पव्वइओ नाहं, तं संपइ सोइयव्वं मे" ॥८१॥ इय चिंतिऊण बहुयं, नाइलसड्डेण गुरुसयासम्मि । गहिओ संजमभारो , सच्चंकारु व्व सिद्धीए ॥८२॥
15
20
25
Jain Education International 2010_02
For Private & Personal Use Only
www.jainelibrary.org
