________________
३२
श्रीधर्मविधिप्रकरणम् जा वच्चइ वहणमिम, वडहिट्ठा ता तुमं समुप्पइओ । साहामिउ व्व एयस्स, गरुयसाहाइ विगलिज्जा ॥४४॥ तत्थ दुजीहा दुमुहा, विभिन्नफलभोइणो महाकाया । एगोयरा तिचरणा, भारुडा भद्द ! एहिति ॥४५॥ तत्तो संज्झासमए , पुव्वाए पंचसेलदीवाओ । जे इंति तहिं ते खलु , खलु व्व दूरेण चइयव्वा ॥४६॥ जे पुण पच्छिमदीवाउ, इंति निच्चं पि तत्थ भारुंडा । ते पंचसेलदीवं, गच्छंति पभायसमयम्मि ॥४७॥ भेयव्वं न हु तेसिं, अदिट्ठपुव्वाण दंसणेणावि । जम्हा बहुबलकलिया, अजीवघाईय ते हंति ॥४८॥ तेर्सि मज्झिल्लपए, गाढं बंधियपडम्मि अप्पाणं । विलगिज्जसु तो अइरा, जासि तुमं पंचसेलम्मि ॥४९॥ ता देव ! पंचसेलं, उवायकहणाउ पाविओ तं सि । वुड्डत्ताउ अहं पुण, आगंतुं नेव सक्केमि ॥५०॥ इत्थेव सरणरहिओ, कयंतदंततरम्मि पडिओ हं । एएणं चिय पुव्वं, पुत्तकए गिन्हियं कणयं ॥५१॥ इत्थंतरम्मि तद्देस-पत्तफुटुंतजाणवत्ताओ। वडसाहग्गे लग्गो, कुमारनंदी पयत्तेण ॥५२॥ भारुडपायबद्धो, निज्जामयकहियकप्पजोगेणं । पत्तो स पंचसेलं, रायाऽऽदेसेण देसं व ॥५३॥ उज्जाणपालियाहिं, कविउत्तीहिं व बहुरसट्ठाहिं । परिअरियं सो पिक्खइ, वंतरवइविज्जुमालिपुरं ॥५४॥ फलिहमणिकुट्टिमेसुं, संकंता जत्थ अमररमणीओ। ससहीओ इव नजंति, विविहकीलं करेमाणा ॥५५॥ अह तत्थ सो भमंतो, पुच्छइ हासप्पहासभवणे जा । ताव गवक्खठियाहिं, कहं पि दिट्ठो सयं ताहिं ॥५६॥
25
Jain Education International 2010_02
For Private & Personal Use Only
www.jainelibrary.org
