________________
३०
10
श्रीधर्मविधिप्रकरणम् किं सग्गमच्चपरमाणु-सारमायड्डिऊण बंभेण । घडियमिमं नारिजुयं, अत्थाणं मयणनरवइणो ॥१८॥ जइ एवं पाविज्जइ, कहिं पि रइसुक्खभायणं अहुणा । दुक्करतवलब्भेहिं, ता किं सग्गापवग्गेहिं ॥१९॥ इच्चाइ चिंतिऊण, फुरंतरोमंचकंचुइज्जतो । मउलीकयकरकमलो, कत्तो तुम्हि त्ति पुच्छेइ ॥२०॥ भणियं च ताहिं अम्हे, देवीओ पंचसेलसामिस्स । सिरिविज्जुमालिनामस्स, दो वि हासप्पहासाओ ॥२१॥ नवरं भो अम्हपई, आउखए वंतरत्तओ चविओ । तव्विरहे अन्नपियं, पिक्खामो अप्पसमरूवं ।।२२।। अह भणइ सुन्नयारो, एसो हं तुम्ह अंकदासु व्व । एए दारा सव्वे, तुम्हाणं किंकरीउ व्व ॥२३॥ एसा विप्फुरउ सिरी, तुम्हाणं पायपउममुलम्मि । किं बहुणा भणिएणं, पाणाण वि सामिणी तुम्हे ॥२४|| ताहिं भणियं महायस ! अम्हेहिं तुज्झ कह वि जइ कज्जं । ता पंचसेलनामं, दीवं इज्जासु अचिरेण ॥२५॥ इय ताउ तं भणित्ता, उप्पइया तक्खणेण गयणम्मि । तव्विरहे सुन्नमणो, सो जाओ मुसियदविणु व्व ॥२६॥ हारो से अंगारो , चंदो कंदु व्व विरहवल्लीए । पउमदलसत्थरो पत्थरु व्व, जाओ सरीरम्मि ॥२७॥ चिंतइ किं लच्छीए ? मणिच्छियं जीइ पुज्जए नेव । किं तेण पहरणेणं, हणिज्जए जेण नो सत्तू ॥२८॥. तस्संगमं विणा से, न हु सम्मं तावमुवसममुवेइ । तो विन्नविऊण निवं, नयरम्मि दवावए पडहं ॥२९॥ जो किर कुमारनंदि, नेइ फुडं पंचसेलदीवम्मि । तस्सेस कणयकोडिं, पयच्छए नरवइसमक्खं ॥३०॥
15
20
25
Jain Education International 2010_02
For Private & Personal Use Only
www.jainelibrary.org
